തൊടുപുഴ: തൊടുപുഴയിൽ പ്രവർത്തിക്കുന്ന സാമൂഹ്യ സേവന കേന്ദ്രമായ ഉണർവിന്റെ ആഭിമുഖ്യത്തിൽ 'ആത്മഹത്യാ പ്രതിരോധത്തിൽ സന്നദ്ധ സംഘടനകളുടെ പങ്ക്' എന്ന വിഷയത്തിൽ സെമിനാർ നടത്തി. ഉണർവ് പ്രസിഡന്റ് ജോസ് സി. പീറ്റർ അദ്ധ്യക്ഷത വഹിച്ചു. ഡോ. ബിജിൽ സൈമൺ അറയ്ക്കൽ 'ആത്മഹത്യകൾ ആഗോള തലത്തിൽ' എന്ന വിഷയം അവതരിപ്പിച്ചു. ഡോ. റൂബി പ്രദീപ്, ഉണർവ് ഡയറക്ടർ ഓമന ജോസ്, ജോജോ അഗസ്റ്റിൻ എന്നിവർ ചർച്ചകൾക്കു നേതൃത്വം നൽകി. ആത്മഹത്യാ പ്രവണത ഉള്ളവർക്കും മാനസിക പിരിമുറുക്കം അനുഭവിക്കുന്നവർക്കും അവരുടെ സ്വകാര്യ ദുഃഖങ്ങളും മനോവേദനകളും തുറന്ന് പറയാനുളള വേദിയാണ് ഉണർവ്വ്. നേരിട്ടോ ഫോൺ മുഖേനയോ ഉണർവിൽ ബന്ധപ്പെടാവു ന്നതാണ്. ഫോൺ . 04862 225544 . എല്ലാ ദിവസവും ഉച്ചക്ക് ഒരു മണിമുതൽ വൈകിട്ട് അഞ്ച് മണി വരെയാണ് പ്രവർത്തന സമയം. ഉണർവിന്റെ സേവനം തികച്ചും സൗജന്യവും സ്വകാര്യവുമായിരിക്കുമെന്നു അധികൃതർ അറിയിച്ചു.