കാഞ്ഞങ്ങാട്: വഴിയോര കച്ചവടക്കാരുടെ വിവിധ ആവശ്യങ്ങളുന്നയിച്ച് വഴിയോര കച്ചവട തൊഴിലാളി ഫെഡറേഷൻ (സി.ഐ.ടി.യു) സംസ്ഥാനവാഹനജാഥ കാഞ്ഞങ്ങാടുനിന്ന് പ്രയാണം തുടങ്ങി. വഴിയോരക്കച്ചവട സംരക്ഷണ നിയമം പഞ്ചായത്തുകളിൽ നടപ്പിലാക്കുക, അന്യായമായ ഒഴിപ്പിക്കൽ അവസാനിപ്പിക്കുക, ക്ഷേമനിധി രൂപീകരിക്കുക, വിലക്കയറ്റവും തൊഴിലില്ലായ്മയും തടയുക എന്നീ ആവശ്യങ്ങളുന്നയിച്ച് തൊഴിലാളികൾ 27ന് സെക്രട്ടറിയറ്റിനുമുന്നിൽ സമരത്തെരുവ് സംഘടിപ്പിക്കുന്നതിന്റെ മുന്നോടിയായാണ് ജാഥ.

വി.കെ.ടി.എഫ്. സംസ്ഥാന ജനറൽസെക്രട്ടറി ആർ.ബി. ഇക്ബാൽ ലീഡറായ ജാഥ കാഞ്ഞങ്ങാട് പെട്രോൾ പമ്പിനുസമീപം സി.ഐ.ടി.യു അഖിലേന്ത്യാസെക്രട്ടറിയും, മുൻ എം.എൽ.എയുമായ കെ.കെ. ദിവാകരൻ ഉദ്ഘാടനം ചെയ്തു. വഴിയോര കച്ചവട തൊഴിലാളി ജില്ലാ പ്രസിഡന്റ് വി.വി. രമേശൻ അദ്ധ്യക്ഷത വഹിച്ചു. സംസ്ഥാനപ്രസിഡന്റ് ഡോ. പ്രദീപ്കുമാർ, സി.ഐ.ടി.യു. സംസ്ഥാനസെക്രട്ടറി ടി.കെ രാജൻ, സംസ്ഥാന കമ്മിറ്റി അംഗങ്ങളായ കെ. ബാലകൃഷ്ണൻ, യു. തമ്പാൻ നായർ, വി.വി. പ്രസന്നകുമാരി, സി.ഐ.ടി.യു. ജില്ലാപ്രസിഡന്റ് ഡോ. വി.പി.പി. മുസ്തഫ, ഡി.വി.അമ്പാടി, എ. മാധവൻ, കെ.വി രാഘവൻ, ടി. കുട്ട്യൻ എന്നിവർ സംസാരിച്ചു. കാറ്റാടി കുമാരൻ സ്വാഗതവും എം.ആർ ദിനേശൻ നന്ദിയും പറഞ്ഞു.