കാഞ്ഞങ്ങാട്: കാളികാ ഭഗവതി ക്ഷേത്ര ശിവരാത്രി കളിയാട്ട മഹോത്സവം 21, 24, 25 തിയതികളിൽ വിവിധ പരിപാടികളോടെ നടക്കും. 21 ന് രാവിലെ 10 മണിക്ക് മാവുങ്കാൽ ശ്രീരാമ ക്ഷേത്രത്തിൽ നിന്ന് കലവറ ഘോഷയാത്ര. വൈകിട്ട് ആറിന് ദീപാരാധന തുടർന്ന് അരിത്രാവൽ. ഏഴിന് മാതൃസമിതി അവതരിപ്പിക്കുന്ന തിരുവാതിര. തുടർന്ന് സംസ്ഥാന ജില്ല കലാ കായിക ഗണിത ശാസ്ത്ര മേളകളിലും മറ്റും സമ്മാനാർഹരായ ക്ഷേത്ര പരിധിയിലെ പ്രതിഭകളെ ആദരിക്കൽ. രാത്രി പത്തിന് മഹാപൂജ, പ്രസാദ വിതരണം. 24 ന് കളിയാട്ട ദിനത്തിൽ രാത്രി ഏഴിന് ദീപാരാധന, വിഷ്ണു മൂർത്തിയുടെ കുളിച്ച് തോറ്റം. രാത്രി 12 ന് പൊട്ടൻ തെയ്യം. 25 ന് ഉച്ചയ്‌ക്ക് 12ന് വിഷ്ണു മൂർത്തി, ഗുളികൻ തെയ്യങ്ങൾ അരങ്ങിലെത്തും. ഒരു മണിക്ക് അന്നദാനം തുടർന്ന് വിളക്കിലരിയോടെ ഉത്സവം സമാപിക്കും