കാസർകോട്: ബദിയടുക്കയൽ കട കുത്തിത്തുറന്ന് പണവും സാധനങ്ങളും മോഷ്ടിക്കുകയും സമീപത്തെ ഹോട്ടലിൽ മോഷണശ്രമം നടക്കുകയും ചെയ്തു. ബദിയടുക്ക മുകളിലെ ബസാറിലുള്ള ബീജന്തടുക്കയിലെ മുഹമ്മദിന്റെ കടയിലാണ് കവർച്ച നടന്നത്. കഴിഞ്ഞ ദിവസം രാത്രി മുഹമ്മദ് കട പൂട്ടി വീട്ടിലേക്ക് പോയതായിരുന്നു. ഇന്നലെ രാവിലെ കട തുറക്കാനെത്തിയപ്പോഴാണ് കവർച്ച നടന്നതായി കണ്ടെത്തിയത്. മേശവലിപ്പിലുണ്ടായിരുന്ന പണമാണ് കവർന്നത്. ബീഡി, സിഗരറ്റ് , ബിസ്‌കറ്റ് തുടങ്ങിയ സാധനങ്ങളും മോഷണം പോയി.

തൊട്ടടുത്ത് മൂക്കംപാറയിലെ ഇബ്രാഹിമിന്റെ ഉടമസ്ഥതയിലുള്ള ഹോട്ടലും കുത്തിത്തുറന്ന നിലയിൽ കണ്ടെത്തി. ഇവിടെ നിന്ന് മോഷ്ടാവിന് ഒന്നുംകിട്ടിയില്ല. ബദിയടുക്കയിൽ ചെറുതും വലുതുമായ മോഷണങ്ങൾ പെരുകിയതിൽ വ്യാപാരികൾ ആശങ്കയിലാണ്.