തലശ്ശേരി: തലശ്ശേരി നഗരസഭ വികസനസെമിനാർ ടൗൺ ഹാളിൽ ജില്ലാപഞ്ചായത്ത് പ്രസിഡന്റ് കെ.വി.സുമേഷ് ഉദ്ഘാടനം ചെയ്തു. അക്ഷരജ്ഞാനമില്ലാത്ത നിരക്ഷരർ അനുഭവിച്ചിരുന്ന വേദനകളും യാതനകളുമാണ് സാങ്കേതിക വിദ്യ അറിയാത്ത സാധാരണക്കാർ ഇനി നേരിടേണ്ടി വരികയെന്ന് അദ്ദേഹം ഉദ്ഘാടനപ്രസംഗത്തിൽ പറഞ്ഞു,​ശാസ്ത്ര പുരോഗതിക്കൊത്ത് പൊതുപ്രവർത്തകരും നീങ്ങിയില്ലെങ്കിൽ വികസന കാര്യത്തിൽ ഒന്നും ചെയ്യാനാവാത്ത സ്ഥിതി വരുമെന്നും അദ്ദേഹം പറഞ്ഞു. നഗരസഭാ ചെയർമാൻ സി.കെ.രമേശൻ അദ്ധ്യക്ഷത വഹിച്ചു. ഉപാദ്ധ്യക്ഷ നജ്മാഹാഷിം, ടി.രാഘവൻ, വാഴയിൽ വാസു, വാഴയിൽ ലക്ഷ്മി, എം.പി.അരവിന്ദാക്ഷൻ, അഡ്വ.വി.രത്‌നാകരൻ, സംസാരിച്ചു.കെ.വിനയ രാജ് സ്വാഗതം പറഞ്ഞു.