പുൽപ്പള്ളി: വീടിനോട് ചേർന്ന കൂട്ടിൽ കെട്ടിയിട്ടിരുന്ന ആടിനെ അജ്ഞാത ജീവി കടിച്ചുകൊന്നു. ആലത്തൂർ വടക്കേകാട്ടിൽ സീതയുടെ ആടിനെയാണ് ആക്രമിച്ചത്. ഇന്നലെ പുലർച്ചെയാണ് സംഭവം. ആടിന്റെ പകുതി ഭാഗം ഭക്ഷിച്ച നിലയിലാണ്. 2 വയസ് പ്രായമുള്ള ആടിന്റെ തല ഭാഗം പൂർണ്ണമായും തിന്നിട്ടുണ്ട്. വനം വകുപ്പ് അധികൃതർ സ്ഥലത്തെത്തി അന്വേഷണം ആരംഭിച്ചു. ആടിനെ ആക്രമിച്ച കൂടിന് സമീപത്ത് ക്യാമറ സ്ഥാപിച്ച് നിരീക്ഷണം നടത്തുമെന്ന് വനം വകുപ്പ് അധികൃതർ പറഞ്ഞു. നഷ്ടപരിഹാരം നൽകുന്നതിനുള്ള നടപടി സ്വീകരിക്കുമെന്നും അധികൃതർ അറിയിച്ചു.