കൊച്ചി: മഹീന്ദ്ര ആൻ‍ഡ് മഹീന്ദ്ര സംഘടിപ്പിച്ച മഹിന്ദ്ര അഡ്വഞ്ചർ 'ക്ലബ്ബ് ചലഞ്ച്' അഞ്ചാം പതിപ്പിൽ കേരളത്തിലെ ഓഫ് റോഡിംഗ് ക്ലബ്ബായ 'വയനാട് ജീപ്പേഴ്‌സ്' കിരീടം നേടി. അഞ്ചു ലക്ഷം രൂപയാണ് സമ്മാനം.
ബാംഗ്‌ളൂർ ഓഫ് റോഡ് ഡ്രൈവേഴ്‌സ് അസോസിയേഷൻ (ബി ഒ ഡി എ) ആദ്യ റണ്ണർ അപ്പും, ആർ ആൻ‍ഡ് ടി ഓഫ് റോഡ് ക്ലബ്ബ് രണ്ടാം റണ്ണർ അപ്പും നേടി. യഥാക്രമം മൂന്നു ലക്ഷം രൂപയും രണ്ടു ലക്ഷം രൂപയും വീതം സമ്മാനവും ലഭിച്ചു.
ടീം എക്‌സെപന്‍ഡബ്ലെസ്‌ ക്ലബ്ബ്, ഡി ഒ ടി, ഈസ്റ്റ് ജയ്‌നിത് അഡ്വഞ്ചർ മോട്ടോർ സ്‌പോർ‍ട്ട്, മോട്ടോർ സ്‌പോർ‍ട്‌സ് ക്ലബ്ബ് ഒഫ് മേഘാലയ, പഞ്ചാബ് ഒഫ് റോഡേഴ്‌സ് ക്ലബ്ബ്, കേരള അഡ്വഞ്ചർ സ്‌പോർ‍ട്‌സ് ക്ലബ്, വെർ‍ജ് റേസിംഗ് എക്‌സ്ട്രീം ഒഫ് റോഡേഴ്‌സ്, കെ ആർ ഒ സി, നോര്‍ത്തേണ്‍ ഇന്ത്യ ഓഫ് റോഡ് ക്ലബ്ബ്, കെടിഎം ജീപ്പേഴ്‌സ്, ഫ്‌ളൈവീൽ തുടങ്ങി രാജ്യത്തെ 15 മുൻ‍നിര ക്ലബ്ബുകൾ ചലഞ്ചിൽ പങ്കെടുത്തു.
മത്സരത്തിനിടയില്‍ ഏഴു പ്രതിബന്ധങ്ങളെയായിരുന്നു മത്സരാത്ഥികൾ‍ക്ക് മറികടക്കേണ്ടിയിരുന്നത്. സ്ട്രാപ്‌സ് ഓഫ് ഗോഡ, ഡ്രാഗ് റേസ്, ടഗ് ഒഫ് വാർ തുടങ്ങിയ തടസ്സങ്ങൾ ഈ വർ‍ഷം പുതിയതായി ഉൾ‍പ്പെടുത്തിയതായിരുന്നു.