വൈക്കം : ഉദയനാപുരം ശ്രീനാരായണപുരം ശ്രീകൃഷ്ണസ്വാമി ക്ഷേത്രത്തിലെ ഉത്സവത്തിന് ക്ഷേത്രം തന്ത്റി മോനാട്ടില്ലത്ത് ചെറിയകൃഷ്ണൻ നമ്പൂതിരി കൊടിയേ​റ്റി. എം.ജി.കൃഷ്ണൻ നമ്പൂതിരി മുഖ്യകാർമ്മികത്വം വഹിച്ചു. കൊടിയേ​റ്റിന് ശേഷം ഭഗവതിസേവ, ശ്രീഭൂതബലി എന്നിവ നടന്നു. പ്രധാന ചടങ്ങായ ഗരുഡവാഹനം എഴുന്നള്ളിപ്പ്, പള്ളിവേട്ട എന്നിവ 10 ന് രാത്രി 9 ന് നടക്കും. 11 ന് ആറാട്ട്, ഉച്ചയ്ക്ക് 12 ന് മഹാപ്രസാദമൂട്ട്, വൈകിട്ട് 5 ന് ദേശതാലപ്പൊലി, 5.30 ന് ആറാട്ടെഴുന്നള്ളിപ്പ്, 6 ന് ആറാട്ട്, തിരിച്ചെഴുന്നള്ളിപ്പ്, എതിരേൽപ്പ്, ദേശതാലപ്പൊലി, വലിയകാണിക്ക, അത്താഴഊട്ട് എന്നിവ നടക്കും.