പൂഞ്ഞാർ : എസ്.എൻ.ഡി.പി.യോഗം 108 ാം നമ്പർ പൂഞ്ഞാർ മങ്കുഴി ആകല്പാന്ത പ്രശോഭിനി ശ്രീ സുബ്രഹ്മണ്യസ്വാമി ക്ഷേത്രത്തിൽ ചുറ്റമ്പലം ശിലാസ്ഥാപനവും പൊതുസമ്മേളനവും ഇന്ന് നടക്കും. രാവിലെ 8.15നും 8.45നും മദ്ധ്യേ ശിവഗിരി മഠം ഗുരുധർമ്മ പ്രചാരണ ജനറൽ സെക്രട്ടറി സ്വാമി ഗുരുപ്രസാദ് ചുറ്റമ്പലം ശിലാസ്ഥാപനം നിർവഹിക്കും. 10ന് നടക്കുന്ന പൊതുസമ്മേളനം മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്യും. സ്വാമി ഗുരുപ്രസാദ് അനുഗ്രഹ പ്രഭാഷണം നടത്തും. ശാഖാ പ്രസിഡന്റ് എം.ആർ.ഉല്ലാസ് അദ്ധ്യക്ഷത വഹിക്കും. ക്ഷേത്ര നിർമ്മാണ ഫണ്ട് സമാഹരണവും മുഖ്യപ്രഭാഷണവും യോഗം കൗൺസിലറും യൂണിയൻ ചെയർമാനുമായ എ.ജി.തങ്കപ്പൻ നിർവഹിക്കും. ശാഖാ സെക്രട്ടറി വി.എസ്.വിനു സ്വാഗതവും, ശാഖാ വൈസ്.പ്രസിഡന്റ് വി.ഹരിദാസ് നന്ദിയും പറയും.