കോട്ടയം: സാമൂഹ്യ സേവനത്തിനും ജീവകാരുണ്യ പ്രവർത്തനങ്ങൾക്കുമായി പുതുതായ് രൂപീകരിച്ച 'സ്നേഹസേവനം ഗ്ലോബൽ ട്രസ്റ്റ്" സംഘടനയുടെ ഉദ്ഘാടനം നാളെ വൈകിട്ട് മൂന്നിന് കോട്ടയം ഐ.എം.എ ഹാളിൽ തിരുവഞ്ചൂർ രാധാകൃഷ്ണൻ എം.എൽ.എ നിർവഹിക്കും. പി.യു. തോമസ്, ഡോ. കെ.പി ജയപ്രകാശ് എന്നിവർക്ക് സ്നേഹസേവന പുരസ്ക്കാരം വി.എൻ. വാസവൻ സമർപ്പിക്കും. അംഗത്വ വിതരണം നഗരസഭാ ചെയർപേഴ്സൺ ഡോ. പി.ആർ. സോനയും രോഗികൾക്കുള്ള സഹായ വിതരണം ദർശന ഡയറക്ടർ ഫാ .എമിൽ പുള്ളിക്കാട്ടിലും നിർവഹിക്കും. സ്നേഹസേവനം ഗ്ലോബൽ ട്രസ്റ്റ് രക്ഷാധികരി എ.ജി. തങ്കപ്പൻ അദ്ധ്യക്ഷത വഹിക്കും. കേരളകൗമുദി പ്രത്യേക ലേഖകൻ വി. ജയകുമാർ, സേവാഭാരതി ജില്ലാ പ്രസിഡന്റ് ഡോ. കൃഷ്ണൻ നമ്പൂതിരി, സ്നേഹസേവനം പ്രസിഡന്റ് പി.ബി. ബാലു, സെക്രട്ടറി സുരേഷ് വട്ടയ്ക്കൽ എന്നിവർ പ്രസംഗിക്കും.