കോട്ടയം : പ്രളയരഹിത കോട്ടയം എന്ന സന്ദേശമുയർത്തി മീനച്ചിലാർ മിനന്തറയാർ കൊടൂരാർ പുനർസംയോജന പദ്ധതിയും ചെറുകിട ജലസേചന വകുപ്പും തിരുവാർപ്പ് ഗ്രാമപഞ്ചായത്തും സംയുക്തമായി തിരുവാർപ്പ് പഞ്ചായത്തിലെ മുഴുവൻ തോടുകളും ആഴം കൂട്ടി നവീകരിക്കുന്നു. ഇതിന്റെ തുടക്കമായി ഇല്ലിക്കൽ - ചേരിക്കൽ - തുമ്പേക്കുളം തോടുകൾ എട്ട് ലക്ഷം രൂപ മുടക്കി നവീകരിക്കുന്ന പ്രവർത്തനങ്ങളുടെ ഉദ്ഘാടനം തിരുവാർപ്പ് ഗ്രാമപഞ്ചായത്ത് പ്രസിഡന്റ് ജസി നൈനാൻ നിർവഹിച്ചു. പഞ്ചായത്ത് വൈസ് പ്രസിഡന്റ് പി.എ അബ്ദുൾ കരിം അദ്ധ്യക്ഷത വഹിച്ചു. പദ്ധതി കോ-ഓർഡിനേറ്റർ അഡ്വ.കെ അനിൽകുമാർ ആമുഖപ്രഭാഷണം നടത്തി. ചെറുകിട ജലസേചന വകുപ്പ് എക്സി.എൻജിനിയർ കെ.കെ അൻസാർ റിപ്പോർട്ടവതരിപ്പിച്ചു. കൗൺസിലർ റൂബീ ചാക്കോ, സി.ടി.രാജേഷ്, കാഞ്ഞിരം സർവീസ് സഹകരണ ബാങ്ക് പ്രസിഡന്റ് പി.എം മണി, വ്യാപാരി വ്യവസായി സമിതിയംഗം അനീഷ് കൊറ്റമ്പടം, ചെറുകിട ജലസേചന വകുപ്പ് അസി.എൻജിനീയർ വി.സി ലാൽജി, കാർഷിക വികസന സമിതിയംഗം അസീസ് പള്ളികാര്യം, വീണാ ആരൃഷ്, കെ.എം സിറാജ്, മുഹമ്മദ് സാജിദ്, സി.എം.എസ് കോളേജദ്ധ്യാപകൻ ഷഹബാസ് തുടങ്ങിയവർ പ്രസംഗിച്ചു.

ആഴംകൂട്ടുന്നത് ഇവ

ചെങ്ങളം കുമരകം കനാൽ

തുമ്പേക്കുളം വിത്ത് വെട്ടി തോട്

നീലീകാവ് തോട്

മലരിക്കൽ തോട്

കാഞ്ഞിരം പുത്തൻതോട്

അഞ്ചുമന തോട്