വൈക്കം : ഉപഭോക്താക്കൾക്ക് മെച്ചപ്പെട്ട സേവനം ഉറപ്പാക്കാനും വരുമാനം വർധിപ്പിക്കാനുമായി വാട്ടർ അതോറി​റ്റി റവന്യൂ അദാലത്ത് നടത്തുന്നു.
വെള്ളം കിട്ടാത്ത കാലയളവിലെയും മീ​റ്റർ പ്രവർത്തനരഹിതമായ കാലയളവിലെയും വെള്ളക്കരം കണക്കാക്കൽ, വെള്ളക്കര കുടിശികയിലെ പിഴ, ഗാർഹികഗാർഹികേതര കണക്ഷനുകളിലെ ബില്ലിംഗ് അപാകതകൾ, മീ​റ്റർ പ്രവർത്തിക്കാത്തതുമായി ബന്ധപ്പെട്ടവ, നിലവിൽ രേഖകൾ ഇല്ലാത്ത കണക്ഷനുകൾ, റവന്യു റിക്കവറി നേരിടുന്നവർ, തീരുമാനമാകാതെ കിടക്കുന്ന പരാതികൾ, കോടതി വ്യവഹാരത്തിലുള്ള പരാതികൾ, ചോർച്ചാ ആനുകൂല്യം തുടങ്ങിയ, വാട്ടർ അതോറി​റ്റിയുമായി ബന്ധപ്പെട്ട പരാതികൾ പരിഹരിക്കാൻ ഉപഭോക്താക്കൾക്ക് അദാലത്തുകളിൽ അവസരമുണ്ട്. സർക്കാർ, അർദ്ധ സർക്കാർ ഓഫിസുകൾക്കും അദാലത്ത് പ്രയോജനപ്പെടുത്താം.
ജല അതോറി​റ്റി വൈക്കം, കടുത്തുരുത്തി സബ് ഡിവിഷനുകളിലെ ഉപഭോക്താക്കൾ ജില്ലയിൽ നടക്കുന്ന റവന്യു അദാലത്തിൽ പങ്കെടുക്കാനും പരാതികൾ പരിഹരിക്കാനുമായി ബന്ധപ്പെട്ട അസിസ്​റ്റന്റ് എക്‌സിക്യുട്ടീവ് എൻജിനീയറുടെ കാര്യാലയവുമായി ബന്ധപ്പെട്ട് അപേക്ഷകൾ സമർപ്പിക്കണം. അപേക്ഷകളിൽ കൺസ്യൂമർ നമ്പർ, വിലാസം, പിൻകോഡ്, ഫോൺ നമ്പർ എന്നിവ നിർബന്ധമായി രേഖപ്പെടുത്തണം. അദാലത്ത് മാർച്ച് 18 ന് ന് കോട്ടയം കളക്ട്രേ​റ്റിന് സമീപമുള്ള വാട്ടർ അതോറി​റ്റി ഓഫീസ് കോമ്പൗണ്ടിൽ നടക്കും. അദാലത്തിൽ അപേക്ഷകൾ പരിഗണിച്ച് തീർപ്പാക്കുമെന്നും, എല്ലാ ഉപഭോക്താക്കളും അദാലത്തിന്റെ സേവനം പ്രയോജനപ്പെടുത്തണമെന്നും കടുത്തുരുത്തി ഡിവിഷൻ എക്‌സിക്യൂട്ടീവ് എൻജിനീയർ അറിയിച്ചു. അപേക്ഷകൾ ഈ മാസം 28 ന് മുൻപായി അസിസ്​റ്റന്റ് എക്‌സിക്യൂട്ടീവ് എൻജിനീയർ, വൈക്കം (ഫോൺ : 8547638447, 04829 231204) അസിസ്​റ്റന്റ് എക്‌സിക്യൂട്ടീവ് എൻജിനീയർ, കടുത്തുരുത്തി (ഫോൺ : 8547638454, 04829 283300.) എന്നിവർക്ക് സമർപ്പിക്കണം