ളായിക്കാട് : എസ്.എൻ.ഡി.പി യോഗം 2805-ാം നമ്പർ ളായിക്കാട് ശാഖയുടെ കീഴിൽ പ്രവർത്തിക്കുന്ന ശ്രീനാരായണ വനിതാ സ്വയംസഹായ സംഘത്തിന്റെ 15-ാമത് വാർഷികയോഗവും കുടുംബസംഗമവും നാളെ രാവിലെ 10 ന് വാസന്തി അശോകന്റെ വസതിയിൽ നടക്കും. ശാഖാ യോഗം പ്രസിഡന്റ് പി.ജി ശശി അദ്ധ്യക്ഷത വഹിക്കും. ശാഖാ സെക്രട്ടറി കെ.കെ സന്തോഷ് കുമാർ ഉദ്ഘാടനം ചെയ്യും. ശാഖാ വൈസ് പ്രസിഡന്റ് കെ.ജെ രാജീവ് മുഖ്യപ്രസംഗം നടത്തും. യൂണിയൻ കമ്മിറ്റിയംഗം വി.ആർ ജയൻ സംഘടനാ സന്ദേശം നൽകും. കൺവീനർ സിന്ധു രാജീവ് റിപ്പോർട്ടും കണക്കും അവതരിപ്പിക്കും. ജോയിന്റ് കൺവീനർ ബിന്ദു രാജേഷ് സ്വാഗതവും, സംഘാംഗം സഞ്ചു സനിൽ നന്ദിയും പറയും.