തലയോലപ്പറമ്പ് : വൈക്കം മുഹമ്മദ് ബഷീർ സ്മാരക സമിതി അമ്മ മലയാളം സാഹിത്യ കൂട്ടായ്മയുടെ നേതൃത്വത്തിൽ മലയാളത്തിലെ പ്രശസ്ത സാഹിത്യകാരൻമാരായ എം.ടി. വാസുദേവൻ നായരുടെ നാലുകെട്ട്, ഒ.വി. വിജയന്റെ ഖസാക്കിന്റെ ഇതിഹാസം, എം. മുകുന്ദന്റെ മയ്യഴിപ്പുഴയുടെ തീരങ്ങളിൽ, സി.രാധാകൃഷ് ണന്റെ തീക്കടൽ കടഞ്ഞ് തിരുമധുരം, പുനത്തിൽ അബ്ദുള്ളയുടെ സ്മാരകശിലകൾ എന്നീ നോവലുകളെ അടിസ്ഥാനമാക്കി പ്രശസ്ത ഫോട്ടോഗ്രാഫർ ഡി. മനോജ് വൈക്കം ക്യാമറയിലൂടെ പകർത്തിയ ലി​റ്ററേച്ചർ ഫോട്ടോ ഗ്രാഫുകളുടെ പ്രദർശനം ഇന്ന് മുതൽ 27 വരെ നടക്കും. തലയോലപ്പറമ്പ് ഫെഡറൽ നിലയത്തിന് സമീപമുള്ള അമ്മാസ് ഹാളിൽ വെച്ച് നടക്കുന്ന പ്രദർശനത്തിന്റെ ഉദ്ഘാടനം ഇന്ന് വൈകിട്ട് 4ന് സി.കെ. ആശ എം.എൽ.എ നിർവ്വഹിക്കും. ബഷീർ സ്മാരക സമിതി വൈസ് ചെയർമാൻ ഡോ.പോൾ മണലിൽ അദ്ധ്യക്ഷത വഹിക്കും. അഡ്വ. മോൻസ് ജോസഫ് എം. എൽ. എ മുഖ്യ പ്രഭാഷണം നടത്തും. എം.ജി സർവ്വകലശാല വൈസ് ചാൻസിലർ ഡോ.സാബു തോമസ് സമ്മേളനം ഉദ്ഘാടനം ചെയ്യും. പ്രൊഫ.സുജ സൂസൻ ജോർജ്, കെ.ബി. പ്രസന്നകുമാർ, മോഹൻ.ഡി. ബാബു, പി.ജി ഷാജീമോൻ, ഡോ. എസ്. ലാലി മോൾ, പ്രൊഫ.കെ.എസ്.ഇന്ദു, എം.ഡി. ബാബുരാജ്, അഡ്വ. ടോമി കല്ലാനി, കെ.എം.ഷാജഹാൻ തുടങ്ങിയവർ പ്രസംഗിക്കും.