കോ​ട്ട​യം​:​ ​ബിഷപ്പ് ഫ്രാങ്കോ പീഡിപ്പിക്കാൻ ശ്രമിച്ചുവെന്ന മറ്റൊരു കന്യാസ്ത്രീയുടെ മൊഴിയുടെ അടിസ്ഥാനത്തിൽ പൊലീസ് പ്രത്യേക എഫ്.ഐ.ആർ രജിസ്റ്റർ ചെയ്യാൻ ഒരുങ്ങുന്നു. കുറവിലങ്ങാട് മഠത്തിലെ കന്യാസ്ത്രീയെ പീഡിപ്പിച്ച കേസിൽ പൊലീസ് മൊഴിയെടുത്തപ്പോഴാണ് പതിനാലാം സാക്ഷിയായ മിഷനറീസ് ഒഫ് ജീസസിന്റെ കണ്ണൂരിലെ മഠത്തിലുള്ള ​ക​ന്യാ​സ്ത്രീ ഫ്രാ​ങ്കോയുടെ പീഡനശ്രമങ്ങൾ തുറന്നുപറഞ്ഞത്. വീഡിയോ ചാറ്റിലൂടെ ശരീരഭാഗങ്ങൾ തുറന്നുകാട്ടാൻ ആവശ്യപ്പെട്ടെന്നും കണ്ണൂരിലേക്ക് മാറിയശേഷം മഠത്തിലെത്തി തന്നെ ചുംബിച്ചുവെന്നും അശ്ലീലം സംസാരിച്ചുവെന്നുമായിരുന്നു കന്യാസ്ത്രീയുടെ മൊഴി. ​​സ​ഭ​യി​ൽ​ ​തു​ട​രേ​ണ്ട​തി​നാ​ൽ​ ​കേ​സ് ​എ​ടു​ക്കണ്ടെന്നാണ്​ ​പൊ​ലീ​സി​നോ​ട് ​പ​റ​ഞ്ഞത്. അതിനാലാണ് അന്ന് പ്രത്യേക എഫ്.ഐ.ആർ രജിസ്റ്റർ ചെയ്യാതിരുന്നത്. എന്നാൽ വെളിപ്പെടുത്തലിന്റെ അടിസ്ഥാനത്തിൽ എഫ്.ഐ.ആർ രജിസ്റ്റർ ചെയ്യാൻ നിർബന്ധിതമാകുമെന്നാണ് അറിയുന്നത്.

ക​ന്യാ​സ്ത്രീ​യ​ ​പീ​ഡി​പ്പി​ച്ച​ ​കേ​സി​ൽ​ ​ബി​ഷ​പ്പ് ​ഫ്രാ​ങ്കോ​ ​മു​ള​യ്ക്ക​ൽ​ ​സ​മ​ർ​പ്പി​ച്ച​ ​വി​ടു​ത​ൽ​ ​ഹ​ർ​ജി​യി​ൽ​ ​കോട്ടയത്ത് വാ​ദം​ ​തു​ട​ങ്ങാ​നി​രി​ക്കെയാണ് ​ പുതിയ​ ​ക​ന്യാ​സ്ത്രീ​യു​ടെ​ ​വെളിപ്പെടുത്തൽ.​ ​
നാ​ലു​ ​പേ​ജു​ള്ള​ ​മൊ​ഴി​യി​ൽ​ ​ക​ന്യാ​സ്ത്രീ​ ​പേ​രെ​ഴു​തി​ ​ഒ​പ്പു​ ​വ​ച്ചി​ട്ടു​ണ്ട്.​​ 2015​ൽ​ ​ബീ​ഹാ​റി​ൽ​ ​ജോ​ലി​ ​ചെ​യ്യു​മ്പോ​ൾ ​ബി​ഷ​പ്പ് ​ഫ്രാ​ങ്കോ​ ​ഫോ​ണി​ലൂ​ടെ​ ​ലൈം​ഗി​ക​ ​ചു​വ​യോ​ടെ​ ​സം​സാ​രി​ച്ചിരുന്നെന്നും ​ ​എ​നി​ക്ക​ത് ​അ​റുപ്പും​ ​വെ​റു​പ്പു​ളവാ​ക്കി​യെന്നും തനിക്ക് ഇതേക്കുറിച്ച് സംസാരിക്കാൻ താത്പര്യമില്ലെന്ന് പറഞ്ഞെങ്കിലും വീഡിയോയിലൂടെ അശ്ലീലം തുടരുകയായിരുന്നുവെന്നും കന്യാസ്ത്രീ അന്വേഷണ സംഘത്തോട് പറ‌ഞ്ഞിരുന്നു. ​ര​ണ്ട് ​പേ​രു​ടെ​യും​ ​ശ​രീ​ര​ഭാ​ഗ​ങ്ങ​ളെ​ക്കു​റി​ച്ച് ​വ​ർ​ണി​ച്ച് ​വീ​ഡി​യോ​ ​ചാ​റ്റിം​ഗ് ​ന​ട​ത്തിയെന്നും മൊഴിയിൽ പറയുന്നു.​ ​രൂ​പ​ത​യു​ടെ​ ​പി​താ​വാ​യ​തി​നാ​ൽ​ ​മ​റു​ത്ത് ​പ​റ​യാ​ൻ​ ​ഭ​യ​മാ​യി​രു​ന്നുവെന്നും കന്യാസ്ത്രീയുടെ മൊഴിയിലുണ്ട്.

2017​ൽ​ കന്യാസ്ത്രീയെ ​കേ​ര​ള​ത്തി​ലേ​ക്ക് മാറ്റി. ​ഏ​പ്രി​ലി​ൽ​ ​കണ്ണൂരിലെ ​മ​ഠ​ത്തി​ലെ​ത്തി​യ​ ​ഫ്രാ​ങ്കോ​ ​രാ​ത്രി​ 10​ന് ​അ​ദ്ദേ​ഹ​ത്തി​ന്റെ​ ​മു​റി​യി​ലേ​ക്ക് ​വി​ളി​പ്പി​ച്ച് ​ബീ​ഹാ​റി​ലു​ണ്ടാ​യ​ ​മ​റ്റൊ​രു​ ​വി​ഷ​യ​ത്തെ​പ​റ്റി​ ​സം​സാ​രി​ച്ചു.​ ​പോ​കാ​ൻ​ ​തു​ട​ങ്ങു​മ്പോ​ൾ​ ​കെ​ട്ടി​പ്പി​ടി​ച്ച് ​നെ​റു​ക​യി​ൽ​ ​ഉ​മ്മ​വ​ച്ചു.​ ​ബി​ഷ​പ്പാ​യ​തി​നാ​ൽ​ ​ഭ​യ​പ്പെ​ട്ടാ​ണ് ​ഈ​ ​വി​വ​രം​ ​പു​റ​ത്ത് ​പ​റ​യാ​തി​രു​ന്ന​തെന്നും കന്യാസ്ത്രീ പൊലീസിന് മൊഴി നല്കിയിരുന്നു. ഈ മൊഴികളാണ് ഇപ്പോൾ പുറത്തുവന്നിട്ടുള്ളത്.

അതേസമയം, ഭാരത കത്തോലിക്കാ സഭയെയും വിശ്വാസികളെയും സമൂഹത്തിൽ നിരന്തരം അപഹാസ്യമാക്കുന്ന ബിഷപ്പ് ഫ്രാങ്കോയെ ഉടൻ മെത്രാൻ പദവിയിൽ നിന്നും വൈദിക പദവിയിൽ നിന്ന് പുറത്താക്കണമെന്ന് സേവ് അവർ സിസ്റ്റേഴ്സ് കൺവീന‌ർ ഷൈജു ആന്റണി ആവശ്യപ്പെട്ടു.