കറുകച്ചാൽ : കാറും ബൈക്കും കൂട്ടിയിടിച്ച് ചങ്ങനാശേരി മലങ്കുന്നം സ്വദേശി ഹരികുമാറിന് (47) പരിക്കേറ്റു. ഇന്നലെ വൈകിട്ട് 4.30 ഓടെ കറുകച്ചാൽ മണിമല റോഡിൽ ഇലയ്ക്കാടിലായിരുന്നു സംഭവം. ഗുരുതരമായി പരിക്കേറ്റ ഹരികുമാറിനെ നാട്ടുകാർ കറുകച്ചാലിലെ സ്വകാര്യാശുപത്രിയിലും പിന്നീട്, കോട്ടയം മെഡിക്കൽകോളേജ് ആശുപത്രിയിലും പ്രവേശിപ്പിച്ചു. ബൈക്ക് പൂർണമായും കാറിന്റ മുൻഭാഗം ഭാഗികമായും തകർന്നു. അപകടത്തെ തുടർന്ന് മണിമല റോഡിൽ 20 മിനിട്ടോളം ഗതാഗതം മുടങ്ങി. കറുകച്ചാൽ പൊലീസ് എത്തി വാഹനങ്ങൾ നീക്കി ഗതാഗതം പുന:സ്ഥാപിച്ചു.