പാലാ : അരനൂറ്റാണ്ടിനിടയിലെ അത്യഅപൂർവ കൊടിയേറ്റിനൊരുങ്ങി രാമപുരം കൊണ്ടാട് ശ്രീ സുബ്രഹ്മണ്യ ഗുരുദേവ ക്ഷേത്രം. സുബ്രഹ്മണ്യസ്വാമിക്ക് വളരെ പ്രധാനപ്പെട്ട ഷഷ്ഠിനാളിലാണ് ഇത്തവണ ഉത്സവത്തിന് കൊടിയേറുന്നത്. കുംഭമാസത്തിലെ കാർത്തിക നാളിൽ കൊടിയേറി പൂയത്തിന് ആറാട്ട് എന്നതാണ് ഇവിടുത്തെ ഉത്സവച്ചിട്ട. ഇത്തവണ കാർത്തികയും ഷഷ്ഠിയും കൂടി ഒത്തുവന്നു. രാവിലെ 7 മുതൽ വിശേഷാൽ ഷഷ്ഠിപൂജയാരംഭിക്കും. ഷഷ്ഠിയൂട്ടുമുണ്ട്.
നാളെ രാത്രി 7.45 നും 8.30 നും മദ്ധ്യേ പി.യു.ശങ്കരൻ തന്ത്രി,സനത്ത് തന്ത്രി, മേൽശാന്തി സന്ദീപ്, ജിഷ്ണു ശാന്തി എന്നിവരുടെ കാർമ്മികത്വത്തിലാണ് കൊടിയേറ്റ്. രാവിലെ 5 ന് മഹാഗണപതി ഹോമം, ശുദ്ധി ക്രിയകൾ, വൈകിട്ട് 6.30ന് ദീപാരാധന, 7ന് നമസ്‌ക്കാര മണ്ഡപ സമർപ്പണം, രാത്രി കൊടിയേറ്റിന് ശേഷം മുൻതലമുറയെ ആദരിക്കൽ, തുടർന്ന് കൊടിയേറ്റ് സദ്യ, ദൈവദശകാലാപനം, തിരുവാതിര കളി, അത്താഴപൂജ. മാർച്ച് 2 ന് രാവിലെ 6 ന് ഗണപതിഹോമം, വിശേഷാൽ പൂജകൾ, 9ന് കലശപൂജ, കലശാഭിഷേകം, ശ്രീഭൂതബലി, 9 ന് ഭഗവദ് ഗീതാപാരായണം, 1 ന് പ്രസാദമൂട്ട്, വൈകിട്ട് 6.30 ന് ദീപാരാധന, ഭഗവതിസേവ, 7 ന് ദൈവദശകാലാപനം, 7.30 ന് കരാക്കേ ഗാനമേള, 9 ന് അത്താഴപൂജ. 3 ന് രാവിലെ 9 ന് കലശപൂജ, 10 ന് ഗുരുദേവ കൃതികളുടെ ആലാപനം. 12.30 ന് പ്രസാദമൂട്ട്, 7 ന് ദൈവദശകാലാപനം, 7.30 ന് ഡാൻസ്, 7.45 ന് ഭജനാമൃതം, 9 ന് വിളക്കിനെഴുന്നള്ളിപ്പ്. 4 ന് രാവിലെ 9 ന് കലശപൂജ, 12.30 ന് പ്രസാദമൂട്ട്, വൈകിട്ട് 6.30 ന് ദീപാരാധന, ഭഗവതിസേവ, ലളിതാസഹസ്രനാമാർച്ചന, രാത്രി 7.30 ന് ഡോ.ഷാജിമോന്റെ പ്രഭാഷണം, 9 ന് അത്താഴപൂജ, വിളക്കിനെഴുന്നള്ളത്ത്.
അഞ്ചിന് രാവിലെ 6 ന് ഗണപതിഹോമം, 9 മുതൽ നാരായണീയ പാരായണം, 1 ന് പ്രസാദമൂട്ട്, വൈകിട്ട് 5.30 ന് കാഴ്ചശ്രീബലി, രാത്രി 7ന് രാമപുരം ഗുരുമന്ദിരത്തിൽ ഹിഡുംബൻ പൂജ, 7.15 ന് മോഹിനിയാട്ടം, 7.45 ന് മെഗാ ഗാനമേള, 11 ന് പള്ളിവേട്ട പുറപ്പാട്, പള്ളിവേട്ട വിളക്ക്, പള്ളിക്കുറുപ്പ്. ആറിന് രാവിലെ 6 ന് കണി കാണിക്കൽ, 9 ന് കാവടി പൂജ, 9 ന് നടക്കുന്ന കാവടി ഘോഷയാത്രയിൽ കൊട്ടക്കാവടി, പൂക്കാവടി, കരകാട്ടം, മയിലാട്ടം, ഗരുഡൻ പറവ , പമ്പ മേളം, ദേവീദേവ വേഷങ്ങൾ എന്നിവ അണിചേരും. കാവടി അഭിഷേകത്തിന് ശേഷം 12.30 ന് മഹാപ്രസാദമൂട്ട്, വൈകിട്ട് 5 ന് ആറാട്ടുബലി, ആറാട്ടുപുറപ്പാട്, ആറാട്ട്, രാത്രി 7 ന് ആറാട്ടെതിരേൽപ്പ്, സമൂഹപ്പറ, വലിയ കാണിക്ക. തുടർന്ന് കൊടിയിറക്ക്, 25 കലശാഭിഷേകം, മംഗള പൂജ.