ന്യൂഡൽഹി: രാജ്യം കാത്തിരുന്ന കേന്ദ്രബഡ്‌ജറ്റ് പുരോഗമിക്കുന്നു. 2020 ൽ കർഷകരുടെ വരുമാനം ഇരട്ടിയാക്കാൻ സർക്കാർ പ്രതിജ്ഞാബദ്ധമാണെന്ന് ബഡ്‌ജറ്റ് അവതരണവേളയിൽ ധനമന്ത്രി നിർമ്മലാ സീതാരാമൻ വ്യക്തമാക്കി. മത്സരാധിഷ്ഠിത കാർഷിക രംഗമുണ്ടാകുകയെന്നതാണ് സർക്കാരിന്റെ പ്രതീക്ഷ. ഇതിനോടനുബന്ധിച്ച് കർഷകർക്കായി 20 ലക്ഷം സൗരോർജ പമ്പുകൾക്ക് പദ്ധതി ആവിഷ്‌കരിക്കും. തരിശുഭൂമിയിൽ സോളർ പവർ പ്ലാന്റുകൾ സ്ഥാപിക്കും.

കാർഷികമേഖലയ്‌ക്ക് ഉണർവേകുന്ന പ്രധാന പ്രഖ്യാപനങ്ങൾ ഇവയാണ്-

• കാർഷികവരുമാനം 18.2ശതമാനത്തിൽനിന്ന് 16.5ശതമാനമായി.
• കാർഷികയന്ത്രവൽക്കരണം, കന്നുകാലിവളർത്തൽ, മത്സ്യബന്ധനം തുടങ്ങിയവയ്ക്ക് ഊന്നൽ.
• 20 ലക്ഷം കർഷകർക്ക് സോളാർ പമ്പുകൾ നൽകും.
• കർഷകർക്കായി കിസാൻ റെയിൽ പദ്ധതി.
• കാർഷിക സംഭരണ കേന്ദ്രങ്ങൾ തുടങ്ങും.
• വ്യോമയാന മന്ത്രാലയം കൃഷി ഉഡാൻ പദ്ധതി നടപ്പിലാക്കും.
• തരിശിടങ്ങളിൽ സൗരോർജ പാനലുകൾ സ്ഥാപിക്കും.
• കാർഷിക ചരക്ക് കൈമാറ്റത്തിന് ട്രെയിനുകൾ.
• 2020ൽ 15 ലക്ഷം കോടി കാർഷിക വായ്പയാണ് ലക്ഷ്യമിടുന്നത്.
• കർഷകർക്കായി 16 ഇന കർമ പദ്ധതികൾ.
• കർഷകർക്കായി കിസാൻ ക്രെഡിറ്റ് കാർഡ്.
• മത്സ്യ ഉത്പാദനം രണ്ടു ലക്ഷം ടണ്ണായി ഉയർത്താൻ നിർദേശം.
• 2021ൽ രാജ്യത്തെ പാലുത്പാദനം 10.8 കോടി മെട്രിക് ടൺ ആയി ഉയർത്തും.
• ക്ഷീരോത്പാദനം ഇരട്ടിയാക്കും.

• മത്സ്യമേഖലയ്ക്ക് ആശ്വാസം, സാഗർ മിത്ര പദ്ധതി നടപ്പാക്കും.

• ആകെ 2.83 ലക്ഷം കോടിയുടെ പദ്ധതികൾ.