അനൂപ് സത്യൻ അന്തിക്കാട് ദുൽഖർ സൽമാനെ നായകനാക്കി ആദ്യമായി സംവിധാനം ചെയ്യുന്ന 'വരനെ ആവശ്യമുണ്ട്' എന്ന ചിത്രത്തിന്റെ ട്രെയിലർ പുറത്തിറങ്ങി. ദുൽഖർ സൽമാനും സുരേഷ് ഗോപിയും ശോഭനയും കല്യാണി പ്രിയദര്‍ശനും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ രചനയും അനൂപിന്റേത് തന്നെയാണ്. ദുൽഖർ പ്രൊഡക്ഷൻസിൻ്റെ ബാനറിൽ എം സ്റ്റാർ ഫിലിംസും വേഫെറർ ഫിലിംസും ചേർന്ന് നിർമ്മിക്കുന്ന ചിത്രം പ്രഖ്യാപന വേളയിൽ തന്നെ ഏറെ ശ്രദ്ധിക്കപ്പെട്ടിരുന്നു.
ദുൽഖറിന്റെ നായികയായി അഭിനയിക്കുന്നത് കല്യാണി പ്രിയദർശനാണ്. ഉർവശി, മേജർ രവി, ലാലു അലക്സ്, ജോണി ആൻ്റണി, വാഫാ ഖദീജ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. കല്യാണി പ്രിയദര്‍ശന്‍ നായികയാകുന്ന ആദ്യ മലയാള ചിത്രം എന്ന പ്രത്യേകതയും ഈ ചിത്രത്തിനുണ്ട്.