ന്യൂഡൽഹി: കേന്ദ്രബഡ്‌ജറ്റ് രാജ്യത്തിന്റെ വരുമാനവും നിക്ഷേപവും വർദ്ധിപ്പിക്കുമെന്ന് പ്രധാനമന്ത്രി നരേന്ദ്രമോദി. ഉപഭോഗവും ആവശ്യകതയും വർദ്ധിപ്പിക്കാൻ സഹായകമാകുന്ന നിർദ്ദേശങ്ങൾ ബഡ്ജറ്റിൽ ഇടംനേടിയിട്ടുണ്ട്. ധനകാര്യമേഖലയ്ക്ക് കൂടുതൽ ഉണർവ്വ് പകരുന്നതാണ് ബഡ്ജറ്റെന്നും മോദി പറഞ്ഞു.

നിലവിലെ രാജ്യത്തിന്റെ ആവശ്യകതകളും പ്രതീക്ഷകളും നിറവേറ്റുന്നതാണ് ബജറ്റെന്ന് മോദി പറഞ്ഞു. 100 വിമാനത്താവളങ്ങൾ നിർമ്മിക്കുന്ന നിർദ്ദേശം ടൂറിസം മേഖലയ്ക്ക് കൂടുതൽ കരുത്ത് പകരും. കുറഞ്ഞ നിക്ഷേപത്തില്‍ കൂടുതൽ തൊഴിലവസരങ്ങള്‍ ഉറപ്പാക്കുന്നതാണ് ബ‌ഡ്ജറ്റെന്നും മോദി പറഞ്ഞു. ബ‌ഡ്ജറ്റ് അവതരിപ്പിച്ച ധനമന്ത്രി നിർമ്മല സീതാരാമനെയും സംഘത്തെയും മോദി അഭിനന്ദിച്ചു.