ബെയ്ജിംഗ്: കൊറോണ വൈറസിന്റെ പിടിയിൽ നിന്ന് കരകയറും മുമ്പ് ജനങ്ങളെ ഭീതിയിലാഴ്ത്തി ചൈനയിൽ പക്ഷിപ്പനിയും പടരുന്നതായി റിപ്പോർട്ട്. ചൈനയിലെ ഹുവാൻ പ്രവിശ്യയിലാണ് അതിവേഗം പടരുന്ന എച്ച് 5 എൻ 1 സ്ഥിരീകരിച്ചുകൊണ്ട് ആരോഗ്യ വകുപ്പ് അറിയിപ്പ് പുറപ്പെടുവിച്ചിരിക്കുന്നത്.

ഷുവാങ്കിംഗ് ജില്ലയിലെ ഒരു ഫാമിലാണ് പക്ഷിപ്പനി റിപ്പോർട്ട് ചെയ്തിരിക്കുന്നത്. 7850 കോഴികളാണ് ഫാമിൽ ഉണ്ടായിരുന്നത്. അതിൽ 4500 എണ്ണം ചത്തു. പക്ഷിപ്പനി അതിവേഗം പടരുന്നത് കണക്കിലെടുത്ത് മുൻകരുതലായി പ്രവിശ്യയിലെ 17,​828 ഫാമുകളിലെ കോഴികളെ കൊന്നൊടുക്കിയതായി ചൈനയിലെ കൃഷി ഗ്രാമ വികസന മന്ത്രാലയം അറിയിച്ചു.

​മനുഷ്യരിലേക്ക് രോഗം പടർന്നതായി നിലവിൽ എവിടെയും റിപ്പോർട്ട് ചെയ്തിട്ടില്ല. അതേസമയം,​ കൊറോണ വൈറസ് മൂലം ഇതിനോടകം 304പേരാണ് ചൈനയിൽ മരണപ്പെട്ടത്. പുതുതായി 1347 പേർക്ക് വൈറസ് ബാധ സ്ഥിരീകരിച്ചിട്ടുണ്ട്.