ന്യൂഡൽഹി: ജാമിയ മിലിയ സർവകലാശാലയിലെ അഞ്ചാം നമ്പർ ഗെയിറ്റിന് സമീപം വെടിവെയ്‌പ്പ്. സ്കൂട്ടറിലെത്തിയ രണ്ടംഗ സംഘമാണ് വെടിയുതിർത്തതെന്ന് പ്രദേശവാസികൾ പറഞ്ഞു. അക്രമികൾ ഓടി രക്ഷപ്പെട്ടു. അതേസമയം,​ ആക്രമണത്തിൽ ആർക്കും പരിക്കില്ല.

ഡൽഹിയിൽ പൗരത്വ നിയമ ഭേദഗതിക്കെതിരെ പ്രതിഷേധിക്കുന്നവർക്ക് നേരെ നാല് ദിവസത്തിനിടെയുണ്ടാകുന്ന മൂന്നാമത്തെ വെടിവെയ്പാണ് ഇത്. ക്യാമ്പസിന് മുന്നിൽ ഉണ്ടായ വെടിവെയ്‌പിൽ പ്രതിഷേധിച്ച് വിദ്യാർത്ഥികൾ രംഗത്തെത്തിയിട്ടുണ്ട്.

Two unidentified persons opened fire at Gate No 5 of Jamia Millia Islamia University on Sunday night; no one was injured: Jamia Coordination Committee

— Press Trust of India (@PTI_News) February 2, 2020

രണ്ട് ദിവസം മുമ്പ് ജാമിയ വിദ്യാർത്ഥികൾ നടത്തിയ പ്രതിഷേധ പ്രകടനത്തിനിടെ വെടിവെയ്പുണ്ടായിരുന്നു. അന്ന് ഒരു വിദ്യാർത്ഥിക്ക് പരിക്കേൽക്കുകയും ചെയ്തിരുന്നു. കൂടാതെ ശനിയാഴ്ച വൈകീട്ട് ഷഹീൻ ബാഗിൽ സമരക്കാർ ഇരിക്കുന്ന സ്ഥലത്തിന് സമീപത്ത് വെടി‌വെയ്പുണ്ടായിരുന്നു.