തിരുവനന്തപുരം: കേരള അഡ്മിനിസ്‌ട്രേറ്റിവ് സർവീസിന്റെ പ്രിലിമിനറി പരീക്ഷയ്ക്കുള്ള അഡ്മിറ്റ് കാർഡ് പി..എസ്.സി പ്രസിദ്ധീകരിച്ചു. ഫെബ്രുവരി 22 ശനിയാഴ്ചയാണ് പരീക്ഷ. ഉദ്യോഗാർത്ഥികൾക്ക് പി.എസ്.സിയുടെ ഒറ്റത്തവണ രജിസ്ട്രേഷൻ പ്രൊഫൈലിൽ ലോഗിൻ ചെയ്ത് അഡ്മിഷൻ ടിക്കറ്റ് ഡൗൺലോഡ് ചെയ്യാം.

രണ്ടു പേപ്പറുകളാണ് പരീക്ഷയ്ക്കുള്ളത്. രാവിലെ 10 മണി മുതൽ ഉച്ചയ്ക്ക് 12 വരെ ഒന്നാമത്തെ സെഷനും 01.30 മുതൽ 03.30 വരെ രണ്ടാം സെഷനും നടത്തും. പരീക്ഷയ്ക്ക് 15 മിനിറ്റ് മുമ്പ് ഉദ്യോഗാർത്ഥികൾ പരീക്ഷാഹാളിൽ എത്തണം.

ഫെബ്രുവരി ഏഴിന് അഡ്മിറ്റ് കാർഡ് ലഭ്യമാക്കുമെന്നാണ് പി.എസ്.സി ആദ്യം അറിയിച്ചിരുന്നത്. എന്നാൽ ഒരുദിവസം മുമ്പുതന്നെ ഭ്യമാക്കുമെന്ന് അറിയിച്ച പി എസ് സി ഒരുദിവസം മുമ്പുതന്നെ ഇത് പ്രസിദ്ധീകരിച്ചു. ഉദ്യോഗാർത്ഥികൾ അഡ്മിഷൻ ടിക്കറ്റ്, ഐ ഡി കാർഡ്, ബോൾപോയിന്റ് പേന എന്നിവ മാത്രമേ പരീക്ഷാ ഹാളിലേക്ക് കൊണ്ടുപോകാൻ പാടുള്ളൂ. നിരോധിച്ച വസ്തുക്കളുടെ വിവരങ്ങള്‍ അഡ്മിഷൻ ടിക്കറ്റില്‍ നല്‍കിയിട്ടുണ്ട്