തൃശൂര്‍: ഒല്ലൂരില്‍ മിനി ടെമ്പോ സ്കൂട്ടറിൽ ഇടിച്ചു. സ്കൂട്ടർ യാത്രികന്‍ അത്ഭുതകരമായി രക്ഷപ്പെട്ടു. സ്കൂട്ടർ യാത്രികനായ തൈക്കാട്ടുശേരി കുരുതുകുളങ്ങര പല്ലിശേരി ഷാജി (51)യാണ് അപകടത്തിൽ നിന്നും രക്ഷപ്പെട്ടത്. ഒല്ലൂർ കമ്പനി പടിയിലാണ് അപകടം ഉണ്ടായത്. തൃശൂർ ഭാഗത്ത് നിന്ന് അമിതവേഗതയിലെത്തിയ മിനി ടെമ്പോ കമ്പനിപ്പടി സ്റ്റോപ്പിൽ ബസിന് പിറകിൽ നിറുത്തിയിരുന്ന സ്കൂട്ടറിൽ ഇടിക്കുകയായിരുന്നു.

ഇടിയുടെ ആഘാതത്തിൽ സ്കൂട്ടർ ബസിന് അടിയിലേക്ക് ഇടിച്ചുകയറി. അമിതവേദതയിൽ വരുന്ന മിനി ടെമ്പോ കണ്ട് സ്കൂട്ടറിൽ നിന്ന് റോഡിനരികിലേയ്ക്ക് ഷാജി എടുത്തു ചാടുകയായിരുന്നു. അപകടത്തില്‍ സ്കൂട്ടർ പൂർണമായും തകർന്നു. നിസാരമായി പരിക്കു പറ്റിയ ഷാജിയെ ഒല്ലൂർ ആക്ട്സ് പ്രവർത്തകർ കൂർക്കഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.