കുളത്തൂപ്പുഴ: പ്രവാസിയായ ഭർത്താവിനെ വിളിച്ചറിയിച്ച് മക്കളെ ഉപേക്ഷിച്ച് യുവതി കാമുകനൊപ്പം ഒളിച്ചോടി. താൻ കാമുകനൊപ്പം പോകുന്നവെന്ന് ഫോണിൽ വിളിച്ചറിയിച്ച ശേഷമാണ് ഒന്നരയും അഞ്ചും വയസ് പ്രായമുള്ള മക്കളെ ഉപേക്ഷിച്ച് യുവതി പോയത്.

മക്കൾക്കൊപ്പം കുളത്തൂർ ജംഗ്ഷനിൽ വാടക വീട്ടിൽ കഴിയവേയാണ് കുളത്തൂപ്പുഴയിൽ വ്യാപാര സ്ഥാപനം നടത്തിയ യുവാവുമായി പ്രണയത്തിലായത്. ഇയാളുമായുള്ള രഹസ്യബന്ധം പല തവണ ബന്ധുക്കൾ വിലക്കിയിരുന്നെങ്കിലും യുവതി ചെവികൊണ്ടില്ല. അതേസമയം, ഭാര്യ കാമുകനൊപ്പം പോയ വിവരമറിഞ്ഞ് നട്ടിലെത്തിയ ഭർത്താവ് കുട്ടികളെ ഏറ്റെടുത്തു.

മക്കളെ ഉപേക്ഷിച്ച് പോയതിന് യുവതിക്കെതിരെ കേസെടുത്തിട്ടുണ്ട്. സൈബർ സെല്ലിന്റെ സഹായത്തോടെ ആലപ്പുഴയിലെ ആഡംബര ഹോട്ടലിൽ കഴിഞ്ഞ യുവതിയെയും കാമുകനെയും തന്ത്രപൂർവം പൊലീസ് അറസ്റ്റ് ചെയ്തു. ഇവർ റിമാന്റിലാണ്.