കോട്ടയ്ക്കൽ: മൂന്ന് കോടി രൂപയുടെ കുഴൽപ്പണവുമായി രണ്ട് പേർ അറസ്റ്റിൽ. വലിയ പറമ്പിൽ മറിഞ്ഞ ഓട്ടോയിൽ നിന്നാണ് മൂന്ന് കോടിയിലധികം കുഴൽപ്പണം പിടികൂടിയത്. നാട്ടുകാരാണ് പൊലീസിനെ വിവരം അറിയിച്ചത്.

ബൈക്കിലും കാറിലുമെത്തിയ സംഘം കുഴല്‍പ്പണവുമായി പോവുകയായിരുന്ന ഓട്ടോറിക്ഷ തട്ടിയെടുത്ത് രക്ഷപ്പെടുന്നതിനിടെ വണ്ടി മറിയുകയായിരുന്നുവെന്ന് ദൃക്‌സാക്ഷികൾ പറയുന്നു. മറിഞ്ഞ ഓട്ടോയിൽ നിന്ന് പണം കണ്ടെത്തിയതോടെയാണ് നാട്ടുകാർ പൊലീസിനെ വിളിച്ചത്. സംഭവത്തെക്കുറിച്ച് പൊലീസ് അന്വേഷണം ആരംഭിച്ചു.