സച്ചി സംവിധാനം ചെയ്ത് ബിജു മേനോനും പൃഥ്വിരാജും മുഖ്യ കഥാപാത്രങ്ങളായെത്തിയ ചിത്രമാണ് അയ്യപ്പനും കോശിയും. അയ്യപ്പനും കോശിയുമായി ഇരുവരും ഗംഭിര പ്രകടനം നടത്തി. ഇവരെപ്പോലെതന്നെ ചിത്രത്തിൽ എടുത്തുപറയേണ്ട ഒരാളാണ് ഗൗരി നന്ദ അവതരിപ്പിച്ച കണ്ണമ്മ .

ബിജു മേനോൻ അവതരിപ്പിച്ച അയ്യപ്പൻ നായരുടെ ഭാര്യയാണ് കണ്ണമ്മ. ശക്തയായ സ്ത്രീയാണ് അവർ. കോശിയോട്(പൃഥ്വിരാജ് കഥാപാത്രം)​ മുഖത്തടിച്ചതുപോലെയുള്ള കണ്ണമ്മയുടെ സംസാരം തീയേറ്ററിൽ നിറഞ്ഞ കൈയടിയാണ് നേടിയത്. ഇപ്പോഴിതാ ആ രംഗത്തെക്കുറിച്ച് കൗമുദിക്ക് നൽകിയ അഭിമുഖത്തിൽ മനസ് തുറന്നിരിക്കുകയാണ് നടി.

'കോശി എന്ന് പറയുന്നത് അവൾക്ക് ഒരു സംഭവമൊന്നുമല്ല. ഇതിലും വലിയ ആളുകളെ ഫേസ് ചെയ്ത് വന്നിരിക്കുന്ന വ്യക്തിയാണ്. രാജുവേട്ടന്റെ സപ്പോർട്ടിലാണ് ആ സീൻ ഗംഭിരമായത്. പേടിയൊന്നുമുണ്ടായിരുന്നില്ല. കാരണം അവർ നമ്മളെ പേടിപ്പിക്കുന്ന ആളുകളല്ലായിരുന്നു. അവർക്കും ആഗ്രഹമുണ്ട് അവരുടെ സിനിമയിലെ കഥാപാത്രങ്ങൾ മികച്ചതായിരിക്കണമെന്ന്'-ഗൗരി പറഞ്ഞു.