തിരുവനന്തപുരം: എസ്.എസ്.എൽ.സി പരീക്ഷയുടെ ഹാൾ ടിക്കറ്റുകൾ ഇന്നു മുതൽ പരീക്ഷാഭവന്റെ എക്സാം വെബ്‌സൈറ്റിൽ നിന്ന് പ്രധാനാദ്ധ്യാപകർക്ക് ഡൗൺലോഡ് ചെയ്യാം. മാർച്ച് 10 മുതൽ 26 വരെയാണ് പരീക്ഷ. 2945 കേന്ദ്രങ്ങളിൽ 4,22,347 പേരാണ് ഇത്തവണ എസ്.എസ്.എൽ.സി പരീക്ഷ എഴുതുന്നത്. 2,16,059 ആൺകുട്ടികളും 2,06,288 പെൺകുട്ടികളുമാണ്. 1749 പേർ പ്രൈവറ്റായി എഴുതുന്നുണ്ട്. മൂല്യനിർണയം ഏപ്രിൽ രണ്ടിന് ആരംഭിച്ച് 23 ന് അവസാനിക്കും. മേയ് ആദ്യവാരം ഫലം പ്രഖ്യാപിക്കും.