തിരുവനന്തപുരം: അണലിയുടെ കടിയേറ്റ് തിരുവനന്തപുരം മെഡിക്കൽ കോളേജിൽ കഴിയുന്ന വാവ സുരേഷിനെ കാണാൻ കേന്ദ്ര വിദേശകാര്യ മന്ത്രി വി. മുരളീധരനെത്തി. ഇന്ന് വൈകുന്നേരമാണ് മന്ത്രി ആശുപത്രിയിലെത്തിയത്. ചികിത്സയുടെ കാര്യങ്ങൾ അദ്ദേഹം വാവ സുരേഷിനോട് ചോദിച്ചറി‍ഞ്ഞു. പാമ്പു കടിക്കാനിടയായ സംഭവങ്ങളും തന്റെ ബുദ്ധിമുട്ടികളും വാവ സുരേഷ് മന്ത്രിക്ക് വിവരിച്ചു കോടുത്തു. വാവയുടെ അച്ഛനും സഹോദരിയും പ്രത്യേക വാർഡിൽ കൂടെയുണ്ടായിരുന്നു.

വാവ സുരേഷിന്റെ ചികിത്സിച്ച ഡോക്ടന്മാരും മെഡിക്കൽ കോളേജ് സുപ്രണ്ടും മന്ത്രിയോടൊപ്പം ഉണ്ടായിരുന്നു. ഡോക്ടറോട് ചികിത്സാ കാര്യങ്ങൾ ചോദിച്ചറിഞ്ഞതിന് ശേഷം പെട്ടെന്ന് തന്നെ സുഖം പ്രാപിക്കട്ടെ എന്നാശംസിച്ചാണ് മന്ത്രി ആശുപത്രിയിൽ നിന്ന് പോയത്.