പട്ടിക്കാട്: പട്ടിക്കാട് ദേശീയ പാത സ്കൂട്ടറിൽ ടോറസ് ലോറി ഇടിച്ച് വീട്ടമ്മയ്ക്ക് ദാരുണാന്ത്യം. തെക്കുംപാടം സ്വദേശി ആളൂർ വിട്ടിൽ സന്തോഷിന്റെ ഭാര്യ സീമ (40) ആണ് മരിച്ചത്. ഇവർക്കൊപ്പം സ്കൂട്ടറിൽ ഉണ്ടായിരുന്ന ഭർത്താവ് സന്തോഷും മകൾ ഗോപികയും പരിക്കുകളോടെ രക്ഷപ്പെട്ടു. ഇന്ന് പുലർച്ചെ 5.30ന് പട്ടിക്കാട് പെടോൾ പമ്പിന് മുൻവശം ആയിരുന്നു അപകടം.

അലുവയിൽ ശിവരാത്രി ആഘോഷങ്ങളിൽ പങ്കെടുത്ത് തിരിച്ചുവരുമ്പോഴാണ് അപകടം സംഭവിച്ചത്. ഇവർ സഞ്ചരിച്ചിരുന്ന സ്കൂട്ടറിന്റെ പിറകിൽ പാലക്കാടേക്ക് പോകുകയായിരുന്ന ലോറി ഇടിക്കുയായിരുന്നു. സ്കൂട്ടറിൽ നിന്നും റോഡിൽ വീണ സീമയുടെ ശരീരത്തിൽ വാഹനം കയറുകയായിരുന്നു. ഭർത്താവും മകളും മറുഭാഗത്തേയ്ക്ക് തെറിച്ചു വീണു. ഇടിച്ച വാഹനം നിർത്താതെ പോയി.