തിരുവനന്തപുരം: കേരള തീരത്ത് മത്സ്യ​ബ​ന്ധ​ന​ത്തിന് മണ്ണെണ്ണ ഇന്ധ​നമായി ഉപ​യോ​ഗി​ക്കു​ന്ന​ വള്ള​ങ്ങ​ളുടേയും എൻജി​നു​ക​ളു​ടേയും പരി​ശോ​ധന മാർച്ച് 15ന് രാവിലെ 8 മുതൽ വൈകിട്ട് 5 വരെ വിവിധ കേന്ദ്ര​ങ്ങ​ളിൽ നട​ത്തു​ന്ന​താ​ണെന്ന് മന്ത്രി ജെ. മേഴ്സിക്കുട്ടി അമ്മ അറിയിച്ചു. അപേ​ക്ഷ​കർ യാനം, എൻജിൻ, രജിസ്‌ട്രേഷൻ സർട്ടി​ഫി​ക്ക​റ്റ്, മത്സ്യ​ബ​ന്ധന ലൈസൻസ്, എഫ്.ഐ.എം.​എ​സ് രജി​സ്‌ട്രേ​ഷൻ, മത്സ്യ​ത്തൊ​ഴി​ലാളി ക്ഷേമ​നിധി ബോർഡ് പാസ്ബുക്ക്, ആധാർ, റേഷൻകാർഡ്, പുതിയ എൻജി​നാ​ണെ​ങ്കിൽ അതിന്റെ ഇൻവോ​യ്സ്, പഴയ എൻജി​നാ​ണെ​ങ്കിൽ പഴയ പെർമിറ്റ് എന്നിവ സഹിതം ബന്ധ​പ്പെട്ട പരി​ശോ​ധനാ കേന്ദ്ര​ങ്ങ​ളിൽ ഹാജ​രാകണം. പരി​ശോ​ധ​ന​യിൽ പങ്കെ​ടു​ക്കാത്ത മത്സ്യ​ബ​ന്ധന എൻജി​നു​കൾക്ക് മണ്ണെണ്ണ പെർമിറ്റ് ലഭി​ക്കില്ല. മാർച്ച് 7​നകം മത്സ്യ​ത്തൊ​ഴി​ലാ​ളി​കൾ മണ്ണെണ്ണ പെർമി​റ്റി​നുള്ള അപേക്ഷ ഫിഷ​റീസ് വകുപ്പ്,​ മത്സ്യ​ഫെഡ് ഓഫീ​സു​ക​ളിൽ നൽകണം.