 ഇന്നലെ 200 രൂപ കൂടി

കൊച്ചി: ആഗോള ചലനങ്ങളുടെ ചുവടുപിടിച്ച് കേരളത്തിൽ സ്വർണവിലയുടെ റെക്കാഡ് കുതിപ്പ് തുടരുന്നു. ഇന്നലെ 200 രൂപ വർദ്ധിച്ച് പവൻ വില 31,​480 രൂപയിലെത്തി. ഗ്രാമിന് 25 രൂപ ഉയർന്ന് വില 3,​935 രൂപയായി. ഈമാസം അഞ്ചിന് പവന് 29,​920 രൂപയും ഗ്രാമിന് 3,​740 രൂപയുമായിരുന്നു വില. അന്നുമുതൽ ഇതുവരെ പവന് 1,​560 രൂപയും ഗ്രാമിന് 195 രൂപയുമാണ് കൂടിയത്.

ചൈനയിൽ പൊട്ടിപ്പുറപ്പെട്ട കൊറോണ വൈറസ്,​ ആഗോള സമ്പദ്‌വ്യവസ്ഥയിൽ ദീർഘകാലത്തേക്ക് വലിയ തകർച്ച സൃഷ്‌ടിച്ചേക്കുമെന്ന വിലയിരുത്തൽ ശക്തമാണ്. നിക്ഷേപകർ സുരക്ഷിത താവളമായി സ്വർണത്തെ ആശ്രയിക്കുന്നതാണ് വിലക്കുതിപ്പിന് കാരണം.