കൊ​ല്ലം: കു​ള​ത്തൂ​പ്പു​ഴ വ​ന​മേ​ഖ​ല​യി​ല്‍ റോ​ഡ​രികിൽ ഉപേക്ഷിച്ച നിലയിൽ കണ്ടെത്തിയ വെടിയുണ്ടകൾ പാകിസ്ഥാനിൽ നിർമ്മിച്ചതാണെന്ന് സ്ഥിരീകരിച്ചു. വെടിയുണ്ടകളിൽ പി.​ഒ.​എ​ഫ് (പാ​കി​സ്ഥാൻ ഓ​ർ​ഡ്​നൻ​സ് ഫാ​ക്ട​റി) മു​ദ്ര കണ്ടെത്തിയതിനെ തുടർന്ന് പൊ​ലീ​സിന്റെ ആ​ർമർ, ഫോ​റ​ൻ​സി​ക് വി​ഭാ​ഗ​ങ്ങ​ളു​ടെ പ​രി​ശോ​ധ​ന​യി​ലാ​ണ് സ്ഥി​രീ​ക​ര​ണം. കൂ​ടു​ത​ൽ പ​രി​ശോ​ധ​ന​യ്ക്കാ​യി ഫോ​റ​ൻ​സി​ക് തെ​ളി​വു​ക​ൾ ഹൈ​ദ​രാ​ബാ​ദി​ലെ ലാ​ബി​ലേ​ക്ക് അ​യ​ക്കും.

സം​ഭ​വ​ത്തി​ന്റെ ഗൗരവം പരിഗണിച്ച് വി​വി​ധ കേ​ന്ദ്ര-​സം​സ്ഥാ​ന ഏ​ജ​ൻ​സി​ക​ൾ അ​ന്വേ​ഷ​ണം തു​ട​ങ്ങി. അ​ന്വേ​ഷ​ണം എ​ൻ.​ഐ.​എ ഏ​റ്റെ​ടു​ക്കാ​ൻ സാദ്ധ്യതയുണ്ട്. മി​ലി​ട്ട​റി ഇ​ന്റിജന്റ്സ്, എൻ.ഐ.എ,ഭീ​ക​ര​വി​രു​ദ്ധ സ്ക്വാ​ഡ്, ക്രൈം​ബ്രാ​ഞ്ച് സം​ഘ​ങ്ങ​ൾ ഞാ​യ​റാ​ഴ്ച കു​ള​ത്തൂ​പ്പു​ഴ​യി​ലെ​ത്തി തെ​ളി​വു​ക​ൾ ശേ​ഖ​രി​ച്ചു.

വെ​ടി​യു​ണ്ട​ക​ൾ ആ​ദ്യം ക​ണ്ട ജോ​ഷി, അ​ജീ​ഷ് എ​ന്നി​വ​രി​ൽ​നി​ന്ന് അ​ന്വേ​ഷ​ണ​സം​ഘം വി​വ​രം ശേ​ഖ​രി​ച്ചു. യു​വാ​ക്ക​ളു​ടെ മൊ​ഴി​യെ​ടു​ത്ത ശേ​ഷം മി​ലി​ട്ട​റി ഇ​ന്റിലി​ജ​ൻ​സ് സം​ഘം വെ​ടി​യു​ണ്ട ക​ണ്ട സ്ഥ​ല​ത്തെ​ത്തി പ​രി​ശോ​ധി​ച്ചു. 12 വെ​ടി​യു​ണ്ട​ക​ളി​ൽ പി.​ഒ.​എ​ഫ് എ​ന്ന്​ രേ​ഖ​പ്പെ​ടു​ത്തി​യ​തി​നു പു​റ​മേ 1980--82 കാ​ല​യ​ള​വി​ൽ നി​ര്‍​മി​ച്ച​താ​ണെ​ന്നു​മു​ണ്ട്. ര​ണ്ടെ​ണ്ണ​ത്തി​ൽ തീ​യ​തി​യി​ല്ല.

പി.​ഒ.​എ​ഫ് മു​ദ്ര ഇ​ല്ലാ​ത്ത ര​ണ്ട് വെ​ടി​യു​ണ്ട​ക​ള്‍ എ.​കെ. 47ൽ ​ഉ​പ​യോ​ഗി​ക്കാ​വു​ന്ന​താ​ണെ​ന്ന് മി​ലി​ട്ട​റി ഇ​ന്റി​ലി​ജ​ൻ​സ് സ്ഥി​രീ​ക​രി​ച്ചു.

ശ​നി​യാ​ഴ്ച വൈ​കീ​ട്ട്​ മൂ​ന്നോ​ടെ​യാ​ണ് തെ​ന്മ​ല -തി​രു​വ​ന​ന്ത​പു​രം റോ​ഡ​രി​കി​ൽ മു​പ്പ​ത​ടി​പ്പാ​ല​ത്തി​നോ​ട് ചേ​ർന്ന് 14 വെ​ടി​യു​ണ്ട​കൾ ഉ​പേ​ക്ഷി​ച്ച നി​ല​യി​ൽക​ണ്ട​ത്. 12 എ​ണ്ണം സൂ​ക്ഷി​ക്കു​ന്ന ബെൽറ്റിലും ര​ണ്ടെ​ണ്ണം ക​ട​ലാ​സി​ൽ പൊ​തി​ഞ്ഞ നി​ല​യി​ലു​മാ​യി​രു​ന്നു.