രു​ക്കു​ ​കി​ത​ച്ചു​കൊ​ണ്ട് ​കു​രി​ശു​പ​ള്ളി​യു​ടെ​ ​അ​ടു​ത്തെ​ത്തി.​ ​തോ​മാ​ശ്ളീ​ഹാ​ ​പു​ണ്യാ​ള​ന്റെ​ ​പ​ള്ളി​യാ​ണ​ത്.​ അവർ​ ​വി​ശ്വാ​സ​മ​ർ​പ്പി​ച്ച് ​ഇ​ട​യ്‌​ക്കി​ട​ക്ക് ​മെ​ഴു​കു​തി​രി​ ​ക​ത്തി​ക്കാ​റു​ണ്ട​വി​ടെ.​ ​വി​ശ്വ​സ്‌​ത​രു​ടെ​ ​ആ​ശാ​കേ​ന്ദ്രം.​ ​മ​ന​സെ​രി​ഞ്ഞ് ​അ​വി​ടെ​ ​എ​ന്തു​ ​പ്രാ​ർ​ത്ഥി​ച്ചാ​ലും​ ​ന​ട​ക്കു​മെ​ന്നാണ്​ ​വി​ശ്വാ​സം.
അ​വ​ൾ​ ​കൈ​യി​ലി​രു​ന്ന​ ​സ്റ്റീ​ൽ​ ​ചോ​റ്റു​പാ​ത്രം​ ​കു​രി​ശു​പ​ള്ളി​യു​ടെ​ ​അ​ര​മ​തി​ലി​ൽ​ ​വ​ച്ചു.​ ​ഒ​ന്ന് ​നി​ന്ന് ​കി​ത​പ്പ​ക​റ്റി.​ ​ക​ഴു​ത്തി​ലൂ​ടെ​ ​ഒ​ലി​ച്ചി​റ​ങ്ങി​ക്കൊ​ണ്ടി​രു​ന്ന​ ​വി​യ​ർ​പ്പു​തു​ള്ളി​ക​ൾ​ ​ക​ഴു​ത്തി​ൽ​ ​കി​ട​ന്ന​ ​തോ​ർ​ത്തി​ന്റെ​ ​കോ​ന്ത​ല​യെ​ടു​ത്ത് ​ഒ​പ്പി​ ​മാ​റ്റി.
സ്ട്രീ​റ്റ് ​ലൈ​റ്റി​ന്റെ​ ​വെ​ളി​ച്ച​മു​ണ്ടെ​ങ്കി​ലും​ ​പ​ള്ളി​മു​റ്റ​ത്തും​ ​ത​ട​ത്തി​ലും​ ​ക​ത്തി​യെ​രി​യു​ന്ന​ ​മെ​ഴു​കു​തി​രി​ക​ൾ​ ​ന​ന്നാ​യി,​ ​ന​ക്ഷ​ത്ര​ങ്ങ​ളെ​ ​പോ​ലെ​ ​കാ​ണാ​മാ​യി​രു​ന്നു.​ ​ക​ണ്ണി​ന് ​ഇ​മ്പം​ ​പ​ക​ർ​ന്ന​ ​കാ​ഴ്‌​ച.
അ​ര​മ​തി​ലി​ൽ​ ​വ​ച്ച​ ​തൂ​ക്കു​ ​ചോ​റ്റു​പാ​ത്രം​ ​അ​വി​ടെ​ത​ന്നെ​ ​മ​റി​യാ​തെ​ ​ഇ​രി​പ്പു​ണ്ടോ എന്ന് ​ഒ​രി​ക്ക​ൽ​ ​കൂ​ടി​ ​നോ​ക്കി​ ​ഉ​റ​പ്പു​വ​രു​ത്തി.​ ​വ​ല്ല​ ​പൂ​ച്ച​യോ,​ ​പ​ട്ടി​യോ​ ​വ​ന്ന് ​ത​ട്ടി​ ​താ​ഴെ​ ​ഇ​ട്ടോ​ എന്നായിരുന്നു ​ഭ​യം.​ ​അ​തി​ന​ക​ത്തി​രി​ക്കു​ന്ന​ ​സാ​ധ​ന​ത്തി​ന് ​ അത്രയ്ക്കും അ​വ​ൾ​ ​വി​ല​ ​ക​ല്‌​പി​ച്ചി​രു​ന്നു.​ ​ത​ന്റെ​ ​മ​ക​ൾ​ക്കാ​യി​ ​​സി​സ്റ്റ​ർ​ ​മ​ഗ്ദ​ല​ന​ തന്നുവിട്ട താറാവ് കറിയായിരുന്നു അത്.
'​'​ന്നാ,​ ​ഇ​ത് ​നീ​ ​ത​ളി​ർ​ ​മോ​ൾ​ക്ക് ​കൊ​ടു​ക്ക​ണം.​ ​ഞാ​ൻ​ ​ത​ന്നു​ ​വി​ട്ട​താ​ണെ​ന്ന് ​പ​റ​യ​ണം.​"
സി​സ്റ്റ​ർ​ ​മ​ഗ്ദ​ല​ന​ ​പ്ര​ത്യേ​കം​ ​ പ​റ​ഞ്ഞു​ത​ന്ന​താ​ണ്.​ ​പെ​റ്റ​മ​ക​ളോ​ടു​ള്ള​ ​വാ​ത്സ​ല്യ​മാ​ണ് ​സി​സ്റ്റ​ർ​ ​ത​ന്റെ​ ​മ​ക​ൾ​ക്ക് ​കൊ​ടു​ത്ത​ത്.​ ​ത​ന്നെ​പ്പോ​ലെ​ ​ത​ളി​രി​നും​ ​സ​ന്തോ​ഷ​മാ​കും.​ ​രു​ക്കു​ ​ദീ​ർ​ഘ​നി​ശ്വാ​സ​മി​ട്ടു​കൊ​ണ്ട് ​കു​രി​ശു​ ​വ​ര​ച്ചു.​ ​കൈ​യി​ലെ​ ​തു​ണി​സ​ഞ്ചി​യി​ൽ​ ​ക​രു​തി​യി​രു​ന്ന​ ​മെ​ഴു​കു​തി​രി​ ​പു​റ​ത്തെ​ടു​ത്തു.​ ​ഒ​ന്നും​ ​ര​ണ്ടും​ ​മെ​ഴു​കു​തി​രി​യ​ല്ല​ ​ക​ത്തി​ച്ചു​വ​യ്‌​ക്കാ​നു​ള്ള​ത്.​ ​നൂ​റ്റൊ​ന്നെ​ന്നാ​ണ് ​ക​ണ​ക്ക്.​ ​ഇ​ന്ന​ത്തേ​ത് ​പു​ണ്യാ​ള​നു​ള്ള​ത്.
ഭ​ക്ത​ർ,​ ​കാ​ര്യ​സാ​ദ്ധ്യം​ ​ല​ഭി​ച്ച​വ​ർ...​ ​ഇ​വ​രൊ​ക്കെ​യാ​ണ് ​അവിടെ മെഴുകുതിരി നേ‌ർച്ച കത്തിക്കുന്നത്.​ ​രു​ക്കു​ ​ഒ​രി​ക്ക​ൽ​ ​കൂ​ടി​ ​ഓ​ർ​ത്തു,​ ​താ​നും​ ​ഇ​ന്ന​തി​ലൊ​രാ​ളാ​യി​ ​മാ​റി​യി​രി​ക്കു​ന്നു.
രു​ക്കു​ ​ആ​ദ്യ​ത്തെ​ ​കെ​ട്ട​ഴി​ച്ചു.​ ​മെ​ഴു​കു​തി​രി​യു​ടെ​ ​കീ​ഴ് ​ഭാ​ഗം​ ​തി​ട്ട​യി​ൽ​ ​ഉ​റ​പ്പി​ക്കാ​നു​ള്ള​ ​ശ്ര​മ​മാ​യി​രു​ന്നു.
'​'​അ​ല്ല​ ​രു​ക്കു​ ​അ​മ്മ​ ​ഇ​ന്നെ​ന്താ​ ​വൈ​കി​യേ​?​ ​"
പി​ന്നി​ൽ​ ​വ​ന്ന പ്ര​ഭു​ ​രു​ക്കു​വി​ന്റെ​ ​തോ​ളി​ൽ​ത്ത​ട്ടി.
'​'​ങാ​ ​നീ​ ​വ​ന്നോ​?​ ​"
'​'​നേ​ര​ത്തെ​ ​വ​ന്നി​രു​ന്നു.​ ​രു​ക്കു​ ​അ​മ്മ​യെ​ ​കാ​ണാ​ത്ത​പ്പോ​ൾ​ ​ഞാ​ൻ​ ​നേ​രെ​ ​ദാ​ ​ഈ​ ​ടോ​ർ​ച്ചു​മാ​യി​ ​മേ​രി​മാ​താ​ ​കോ​ൺ​വെ​ന്റി​ലേ​ക്ക് ​പോ​യി.​ ​അ​വി​ടെ​ ​ചെ​ന്ന​പ്പോ​ൾ​ ​ഗേ​റ്റ് ​വാ​ച്ച​ർ​ ​പ​റ​ഞ്ഞു​;​ ​രു​ക്കു​വ​മ്മ​ ​ഇ​റ​ങ്ങി​യി​ട്ട് ​അ​ല്‌​പ​നേ​ര​മേ​ ​ആ​യി​ട്ടു​ള്ളൂ​വെ​ന്ന്.​ ​പി​ന്നെ​ ​ഞാ​നി​ങ്ങോ​ട്ട് ​നേ​രെ​ ​പോ​ന്നു​ ​വീ​ണ്ടും.​"
പ്ര​ഭു​ ​ശാ​ന്ത​നാ​യി​ ​പ​റ​ഞ്ഞു.
'​'​അ​തെ​ ​മോ​നെ...​ ​ഇ​ന്ന് ​ത​മി​ഴ്നാ​ട്ടിൽ നിന്നുള്ള ​മ​ല​ക്ക​റി​ ​ലോ​റി​ ​വ​രാ​ൻ​ ​കു​റ​ച്ചു​ ​വൈ​കി.​ ​ക​ണ​ക്ക് ​തീ​ർ​ത്ത് ​സൂ​ക്ഷി​ച്ച് ​വി​രി​ച്ചി​ട്ടി​ട്ട് ​ഇ​റ​ങ്ങി​യ​പ്പോ​ൾ​ ​കു​റ​ച്ചു​ ​വൈ​കി.​ ​ഞാ​ൻ​ ​നി​ന്നെ​ ​ഇ​വി​ടെ​ ​പ്ര​തീ​ക്ഷി​ച്ചി​രു​ന്നു.​ ​"
കൂ​ട്ട​ത്തി​ൽ​ ​മ​ഗ്ദ​ല​ന​ ​സി​സ്റ്റ​ർ​ ​കോ​ൺ​വ​ന്റി​ൽ​ ​പു​തു​താ​യി​ ​വ​ന്ന് ​ചാ​ർ​ജെ​ടു​ത്ത​ ​കാ​ര്യ​വും​ ​രു​ക്കു​ ​രാ​മ​പ്ര​ഭു​വി​നോ​ട് ​പ​റ​ഞ്ഞു.
'​'​ങും.​"
രാ​മ​പ്ര​ഭു​ ​ഒ​ന്നു​ ​മൂ​ളി.​ 22​ ​വ​യ​സു​ള്ള​ ​ചെ​റു​പ്പ​ക്കാ​ര​നാ​ണ് ​പ്ര​ഭു.​ ​അ​ക്ഷ​രാ​ർ​ത്ഥ​ത്തി​ൽ​ ​'​അ​നാ​ഥ​ൻ​ ​!"
രു​ക്കു​വി​നെ​ ​അ​മ്മ​ ​എ​ന്നാ​ണ് ​വി​ളി​ക്കു​ന്ന​ത്.​ ​അ​വ​ന് ​പ​റ​യ​ത്ത​ക്ക​താ​യി​ ​മ​റ്റാ​രോ​ടും​ ​അ​ത്ര​ ​അ​ടു​പ്പ​മി​ല്ല.​ ​തൊ​ഴി​ലാ​ളി​ ​നേ​താ​വാ​ണ്.​ ​നാ​ട്ടു​കാ​ർ​ക്കെ​ല്ലാം​ ​സ​മ്മ​ത​ൻ.​ ​പാ​ർ​ട്ടി​ ​പ്ര​വ​ർ​ത്ത​ക​ൻ​ ​എ​ന്ന​ ​നി​ല​യി​ലും​ ​ഇ​ഷ്‌​ട​ക്കാ​ര​ൻ.​ ​ആ​രാ​ധ്യ​പു​രു​ഷ​ൻ.​ ​സ്വ​ത​ന്ത്ര​നാ​ണ്.​ ​അ​ച്‌​ഛ​നോ​ ​അ​മ്മ​യോ​ ​ആ​രു​മി​ല്ല​ ​ബ​ന്ധു​ക്ക​ളാ​യി.​ ​രു​ക്കു​വി​നെ​ ​പ​രി​ച​യ​പ്പെ​ട്ട​ ​നാ​ൾ​ ​തൊ​ട്ട് ​അ​മ്മ​ ​എ​ന്നാ​ണ് ​വി​ളി​ക്കു​ക.
ഒ​ര​മ്മ​യോ​ടു​ള്ള​ ​എ​ല്ലാ​ ​വാ​ത്സ​ല്യ​വും​ ​ബ​ഹു​മാ​ന​വും​ ​ആ​ത്മാ​ർ​ത്ഥ​ത​യും​ ​രു​ക്കു​വി​ന് ​കൊ​ടു​ക്കാ​റു​മു​ണ്ട്.​ ​രു​ക്കു​വി​നെ​ ​സം​ബ​ന്ധി​ച്ചി​ട​ത്തോ​ളം​ ​അ​വ​രു​ടെ​ ​കു​ടും​ബ​കാ​ര്യ​ങ്ങ​ൾ​ ​അ​വ​ന് ​മു​മ്പി​ൽ​ ​തു​റ​ന്ന​ ​പു​സ്‌​ത​ക​മാ​ണ്.​ ​വ​ര​വും​ ​ചെ​ല​വും​ ​വ​രെ​ ​ഒ​രു​ ​മ​ക​നോ​ടെ​ന്ന​ ​പോ​ലെ​ ​വി​സ്‌​ത​രി​ച്ചു​ ​പ​റ​യാ​റു​മു​ണ്ട്.
രു​ക്കു​വി​ന്റെ​ ​വീ​ട്ടി​ന​ടു​ത്ത് ​റി​സോ​ർ​ട്ടു​ ​പ​ണി​യു​ന്ന​ ​പാ​ല​ക്കാ​ട്ടു​കാ​ര​ൻ​ ​ദേ​വേ​ന്ദ്ര​ക്കാ​ര​ണ​വ​രു​ടെ​ ​സ​ഹാ​യി​യാ​യാണ് ​ രാ​മ​പ്ര​ഭു​ ​ഇ​പ്പോ​ൾ​ ​നി​ൽ​ക്കു​ന്ന​ത്.​ ​ഒ​രു​ ​വി​ധം​ ​ന​ല്ല​ ​വ​രു​മാ​ന​വു​മു​ണ്ട്,​ ​ആ​ ​ഇ​ന​ത്തി​ൽ​ ​സി​മ​ന്റും​ ​ക​മ്പി​യും​ ​ക​ട്ട​യു​മൊ​ക്കെ​ ​ഇ​റ​ക്കു​ന്ന​ത് ​പ്ര​ഭു​വി​ന്റെ​ ​നേ​തൃ​ത്വ​ത്തി​ലാ​ണ്.
'​'​ത​ളി​ർ​ ​മെ​ഴു​കു​തി​രി​ ​ക​ത്തി​ക്കാ​നെ​ത്തു​മോ​?​ ​"
പ്ര​ഭു​ ​രു​ക്കു​വി​നോ​ട് ​ചോ​ദി​ച്ചു.
ഇ​ല്ല.
'​'​മ​ഗ്ദ​ല​ന​സി​സ്റ്റ​റി​നോട് രുക്കു തളിരിനെക്കുറിച്ച് പറഞ്ഞോ?​"
പ്ര​ഭു​ ​ചോ​ദി​ച്ചു
'​'​പി​ന്നി​ല്ലേ​?​ ​അ​വ​ർ​ക്ക് ​ത​ളി​രി​നെ​ ​ഇ​ന്നു​ത​ന്നെ​ ​ക​ണ്ടാ​ൽ​ ​കൊ​ള്ളാ​മെ​ന്നാ​ ​പ​റ​ഞ്ഞ​ത്.​ ​നാ​ളെ​ ​കൊ​ണ്ടു​വ​ന്ന് ​കാ​ണി​ക്കാ​മെ​ന്ന് ​പ​റ​ഞ്ഞ് ​സ​മാ​ധാ​നി​പ്പി​ച്ച് ​ഞാ​നി​റ​ങ്ങി.​ ​മെ​ഡി​സി​ന്റെ​ ​എ​ൻ​ട്ര​ൻ​സ് ​കി​ട്ടി​യെ​ന്ന് ​പ​റ​ഞ്ഞ​പ്പോ​ൾ​ ​സി​സ്റ്റ​റി​ന് ​എ​ന്തെ​ന്നി​ല്ലാ​ത്ത​ ​സ​ന്തോ​ഷ​മാ​യി​രു​ന്നു.​ ​അ​വ​ളി​പ്പോ​ൾ​ ​ട്യൂ​ഷ​നെ​ടു​ത്തി​ട്ട് ​ച​ന്ത​യി​ൽ​ ​പോ​യി​ ​മീ​നും​ ​വാ​ങ്ങി​ ​നേ​രെ​ ​വീ​ട്ടി​ലേ​ക്ക് ​പോ​യി​ട്ടു​ണ്ടാ​വും.​ ​എ​ന്നെ​ ​കാ​ത്തി​രി​ക്ക​യാ​വും​ ​പാ​വം.​ ​"
പ്ര​ഭു​ ​കൈ​യി​ലി​രു​ന്ന​ ​തീ​പ്പെ​ട്ടി​ ​ഉ​ര​ച്ച് ​മെ​ഴു​കു​തി​രി​ ​ക​ത്തി​ച്ചു.
നൂ​റ്റൊ​ന്ന് ​മെ​ഴു​കു​തി​രി​യും​ ​അ​വ​ർ​ ​ഇ​രു​വ​രു​മാ​യി​ ​ക​ത്തി​ച്ചു​ ​തീ​ർ​ത്തു.
രു​ക്കു​ ​പ്ര​ഭു​വി​നോ​ട് ​പ​റ​ഞ്ഞു.
'​'​മെ​ഴു​കു​തി​രി​ ​ക​ത്തി​തീ​രു​ന്ന​ത് ​വ​രെ​ ​നീ​ ​ഇ​വി​ടെ​ ​നി​ൽ​ക്ക​ണേ.​ ​അ​ണ​യാ​തെ​ ​നോ​ക്ക​ണം.​ ​ഇ​ന്നാ​ണെ​ങ്കി​ൽ​ ​മ​ഴ​ക്കോ​ളും​ ​ക​ണ്ടു.​"
'​'​ശ​രി​ ​അ​മ്മേ.​ ​പി​ന്നെ​ ​അ​മ്മ​ ​മ​ഗ്ദ​ല​ന​ ​സി​സ്റ്റ​റി​നെ​പ്പ​റ്റി​ ​പറഞ്ഞത് മു​ഴു​മി​പ്പി​ച്ചി​ല്ല​ല്ലോ...​"
'​'​ബാ​ക്കി​ ​പി​ന്നെ​പ്പ​റ​യാ​മെ​ടാ.​ ​നീ​ ​മ​ഗ്ദ​ല​ന​ ​സി​സ്റ്റ​റി​ന് ​എ​നി​ക്ക് ​ത​രു​ന്ന​ ​സ്ഥാ​ന​വും​ ​മാ​ന​വും​ ​സ്നേ​ഹ​വും​ ​കൊ​ടു​ക്ക​ണം​ ​കേ​ട്ടോ.​ ​പ​രി​ച​യ​പ്പെ​ടു​ത്തി​ ​ത​രാം.​"
'​'​തീ​ർ​ച്ച​യാ​യും​ ​അ​മ്മേ.​ ​അ​തു​പി​ന്നെ​ ​അ​മ്മ​ ​അ​ത് ​പ്ര​ത്യേ​കം​ ​പ​റ​യേ​ണ്ട​ല്ലോ.​ ​ആ​രോ​ടൊ​ക്കെ​ ​എ​ങ്ങ​നെ​യൊ​ക്കെ​ ​പെ​രു​മാ​റ​ണ​മെ​ന്ന് ​എ​നി​ക്ക​റി​യാം​ ​അ​മ്മേ​ ​"
'​'​നാ​ളെ​ ​ത​ളി​രി​നെ​ ​കൂ​ട്ടി​യാ​ ​ഞാ​ൻ​ ​മ​ഗ്ദ​ല​ന​യു​ടെ​ ​അ​ടു​ത്ത് ​പോ​കു​ന്ന​ത്.​ ​വേ​ണ​മെ​ങ്കി​ൽ​ ​നീ​യും​ ​പോ​ന്നോ.​ ​നി​ന​ക്ക് ​സ​മ​യം​ ​കി​ട്ടു​ക​യാ​ണെ​ങ്കി​ൽ​ ​പ​രി​ച​യ​പ്പെ​ടു​ത്തി​ത്ത​രാം.​"
'​'​ശ​രി​ ​രു​ക്കു​വ​മ്മേ​... ​നോ​ക്ക​ട്ടെ.​"
അ​വ​ൻ​ ​സം​സാ​രം​ ​നി​റു​ത്തി.​ ​രു​ക്കു​ ​വീ​ട്ടി​ലേ​ക്ക് ​പോ​കാ​നു​ള്ള​ ​ത​യ്യാ​റെ​ടു​പ്പി​ലാ​യി.​ ​അ​ര​മ​തി​ലി​ൽ​ ​വ​ച്ചി​രു​ന്ന​ ​സ്റ്രീ​ലി​ന്റെ​ ​ചോ​റ്റു​പാ​ത്രം​ ​കൈ​യി​ലെ​ടു​ത്തു​ ​ഒ​ന്നു​ ​കു​ലു​ക്കി​ ​മൂ​ക്കി​നോ​ട​ടു​പ്പി​ച്ചു​ ​പി​ടി​ച്ചു.
'​'​താ​റാ​വ് ​ക​റി.​ ​ഇ​ന്ന് ​ത​ളി​രി​ന് ​കു​ശാ​ലാ​യി.​ ​നി​ന​ക്ക് ​വേ​ണോ​ടാ​?​ ​വേ​ണേ​ലി​ത്തി​രി​ ​വ​ച്ചേ​ക്കാം.​ ​ഉ​ള്ള​തി​ൽ​ ​പ​ങ്ക് ​ര​ണ്ടു​പേ​രു​മാ​യി​ ​ക​ഴി​ച്ചോ.​ ​നീ​ ​എ​നി​ക്ക് ​അ​ന്യ​ന​ല്ല​ല്ലോ.​"
'​'​രു​ക്കു​വ​മ്മ​ ​പൊ​യ്ക്കോ.​ ​മെ​ഴു​കു​തി​രി​ക​ൾ​ ​ക​ത്തി​ ​തീ​ർ​ന്ന​തി​നു​ശേ​ഷം​ ​ഞാ​ന​ങ്ങു​വ​രാം.​ ​അ​മ്മ​ ​ടോ​ർ​ച്ച് ​തെ​ളി​ച്ചു​ ​വേ​ണേ​ ​പോ​കാ​ൻ.​ ​""
രാ​മ​പ്ര​ഭു​ ​ആ​ത്മാ​ർ​ത്ഥ​ത​യോ​ടെ​ ​പ​റ​ഞ്ഞ് ​ടോ​ർ​ച്ച് ​ക​ത്തി​ച്ച് ​അ​വ​രു​ടെ​ ​കൈ​ക​ളി​ലേ​യ്‌​ക്ക് ​കൊ​ടു​ത്തു.
രു​ക്കു​ ​മു​റ്റ​ത്തേ​ക്കി​റ​ങ്ങി​ ​ന​ട​ന്നു.
തോ​ളി​ൽ​ ​കി​ട​ന്ന​ ​തോ​ർ​ത്തെ​ടു​ത്ത് ​ത​ല​യി​ൽ​ ​വി​രി​ച്ചു​കൊ​ണ്ട​വ​ർ​ ​മു​ന്നോ​ട്ടോ​ടി.
*​*​*​*​*​*​*​*​*​*​*​*​*​**
രു​ക്കു​ ​കോ​ൺ​വെ​ന്റ് ​ ഗേ​റ്റ് ​ക​ട​ന്നു​പോ​യ​തി​നു​ശേ​ഷം​ ​ദീ​ർ​ഘ​മാ​യി​ ​ശ്വാ​സം​ ​വ​ലി​ച്ചു​വി​ട്ട് ​മ​ഗ്ദ​ല​ന​ ​സി​സ്റ്റ​ർ​ ​നെ​റ്റി​യി​ൽ​ ​കു​രി​ശു​ ​വ​ര​ച്ചു.​ ​ക​ർ​ത്താ​വി​ന് ​പ്രാ​ർ​ത്ഥ​ന​ ​എ​ത്തി​ച്ചു.​ ​മ​ന​സി​ന് ​വ​ല്ലാ​ത്ത,​ ​സാ​ധാ​ര​ണ​യി​ൽ​ ​ക​വി​ഞ്ഞൊ​രു​ ​കു​ളി​ർ​മ്മ​ ​അ​നു​ഭ​വ​പ്പെ​ട്ടു.
എ​ത്ര​യോ​ ​വ​ർ​ഷ​മാ​യി​ ​നെ​ഞ്ചി​ന​ക​ത്ത് ​ ഒ​രു​ ​വ​ല്ലാ​ത്ത​ ​ഭാ​ര​മാ​യി​ ​വ​ഹി​ച്ചു​കൊ​ണ്ടു​ന​ട​ന്ന​ ​ഒ​രു​ ​മ​ല​യെ​ ​താ​ഴേ​ക്ക് ​ ഇ​റ​ക്കി​വ​ച്ച​തു​പോ​ലൊ​രു​ ​തോ​ന്ന​ൽ.​ ​എ​ത്ര​ ​സ​മാ​ധാ​നം.​ ​ഏ​റ്റ​വും​ ​ഇ​ഷ്‌​ട​പ്പെ​ട്ട​ ​ഒ​രു​ ​സാ​ധ​നം​ ​ക​ള​ഞ്ഞു​പോ​കു​ക​യും​ ​കി​ട്ടി​ല്ലെന്ന് ​തീ​ർ​ത്തും​ ​ക​രു​തി​യ​ ​വി​ല​പി​ടി​പ്പു​ള്ള​ ​ആ​ ​സാ​ധ​നം​ ​തി​രി​ച്ചു​കി​ട്ടിയപ്പോഴു​ള്ള​ ​ആ​ഹ്ലാ​ദ​മാ​ണ് ​ത​നി​ക്കി​പ്പോ​ൾ.​ ​സ​ന്തോ​ഷം​ ​കൊ​ണ്ട് ​ഒരേ സമയം പൊ​ട്ടി​ച്ചി​രി​ക്കാ​നും​ ​ക​ര​യാ​നു​മാ​ണ് ​തോ​ന്നു​ന്ന​ത്.​ ​പ​ക്ഷേ​ ​ഈ​ ​സ​ന്തോ​ഷ​ത്തി​ൽ​ ​പ​ങ്കു​ചേ​രാ​ൻ​ ​ഒ​രാ​ൾ​ ​കൂ​ടി​ ​വേ​ണം.​ ​'മാ​ന​സി​ ​"​ ​അ​വ​ളാ​ണ് ​രു​ഗ്മി​ണി​ ​വാ​ര​സ്യാ​രെ​ ​ക​ണ്ടു​മു​ട്ടി​യെ​ന്ന​റി​യു​മ്പോ​ൾ തന്നേക്കാൾ ആഹ്ലാദിക്കുന്നത്.​ ​മ​ഗ്ദ​ല​ന​ ​സി​സ്റ്റ​ർ​ ​ഓ​രോ​ന്നാ​ലോ​ചി​ച്ച് ​കി​ട​ക്ക​മു​റി​യി​ലേ​ക്ക് ​ന​ട​ന്നു.​ ​അ​വി​ടെ​യാ​ണ് ​ഫോ​ൺ​ ​ഇ​രി​ക്കു​ന്ന​ത്.അതിൽ ഐ.​എ​സ്.​ടി​ ​കോ​ൾ​ ​ചെ​യ്യാ​വു​ന്ന​താ​ണ്.​ ​അ​മേ​രി​ക്ക​യി​ൽ​ ​ചി​കി​ത്സ​യ്ക്കു​പോ​യ​ ​സി​സി​ലി​ ​സി​സ്റ്റ​റി​നെ​ ​താ​ൻ​ ​വി​ളി​ച്ചി​രു​ന്ന​ല്ലോ.
അവർ ക്ലോ​ക്കി​ലേ​ക്ക് ​നോ​ക്കി.
സ​മ​യം​ എട്ടു​ ​മ​ണി.​ ​അ​തി​വി​ട​ത്തെ​യാ​ണ്.​ ​ഇ​വി​ട​ത്തേ​തി​ൽ​ ​നി​ന്നും​ ​ര​ണ്ട​ര​മ​ണി​ക്കൂ​ർ​ ​വ്യ​ത്യാ​സ​മു​ണ്ട്.
മാ​ന​സി​യു​ടെ​ ​ഭ​ർ​ത്താ​വ് ​ക​ൺ​സ്ട്ര​ക്ഷ​ൻ​ ​ക​മ്പ​നി​യി​ലെ​ ​സി​വി​ൽ​ ​എ​ൻ​ജി​നീ​യ​റാ​ണ്.​ ​ആ​ ​ക​മ്പ​നി​ക്ക് ​ഇ​ന്ത്യ​യി​ലൊ​ഴി​ച്ച് ​മ​റ്റു സ്ഥ​ല​ങ്ങ​ളി​ലെ​ല്ലാം​ ​ക​ൺ​സ്ട്ര​ക്ഷ​ൻ​ ​ക​മ്പ​നി​ക​ളു​ണ്ട്.​ ​ശാ​ന്ത​നു​ ​എ​ന്ന​ ​എ​ൻ​ജി​നീ​യ​ർ​ ​ആ​ ​ക​മ്പ​നി​ക്ക് ​ഏ​റ്റ​വും​ ​വേ​ണ്ട​പ്പെ​ട്ട​ ​ആ​ളും.​ ​നാ​ട്ടി​ൽ​ ​വ​രു​ന്ന​ത് ​പ​ത്തു​വ​ർ​ഷം​ ​കൂ​ടു​മ്പോ​ഴാ​ണ്.​ ​പ​ക​രം​ ​എ​ല്ലാ​ ​വ​ർ​ഷ​വും​ ​മ​ക്ക​ളെ​യും​ ​കൊ​ണ്ട് ​വ​രു​ന്ന​ത് ​മാ​ന​സി​യാ​ണ്.​ ​അ​ട​ച്ചി​ട്ടി​രി​ക്കു​ന്ന​ ​കു​ടും​ബ​വീ​ട്ടി​ൽ​ ​ര​ണ്ടു​ ​ജോ​ലി​ക്കാ​രെ​ ​നി​റു​ത്തി​യി​ട്ടു​ണ്ട്.​ ​നാ​ട്ടി​ൽ​ ​വ​രു​മ്പോ​ഴൊ​ക്കെ​ ​മ​ഗ്ദ​ല​ന​ ​എ​വി​ടെ​യു​ണ്ടോ​ ​അ​വി​ടെ​ ​മാ​ന​സി​ ​ചെ​ല്ലു​ക​യും​ ​കാ​ണു​ക​യും​ ​ഓ​ർ​ഫ​നേ​ജി​ന് ​ കൈ​ ​അ​യ​ച്ചു​ ​സ​ഹാ​യി​ക്കു​ക​യും​ ​ചെ​യ്യാ​റു​ണ്ട്.
ഒ​രു​ ​ചെ​ടി​യി​ലെ​ ​മൂ​ന്ന് ​പു​ഷ്‌​പ​ങ്ങ​ളെ​പ്പോ​ലെ​യാ​യി​രു​ന്നു​ ​രു​ഗ്മി​ണി​ ​വാ​ര​സ്യാ​രും​ ​മേ​രി​ ​ജോ​ർ​ജും​ ​മാ​ന​സി​യും. പ്ല​സ് ​ടു​ ​ക​ഴി​ഞ്ഞ​തോ​ടെ​ ​പ​ന്ത്ര​ണ്ടു​ ​വ​ർ​ഷ​ത്തെ​ ​ഒ​രു​മി​ച്ചു​ള്ള​ ​പ​ഠനം തീ​ർ​ന്ന് ​മൂ​ന്നു​പേ​രും​ ​മൂ​ന്ന് ​വ​ഴി​ക്കാ​കു​ക​യാ​യി​രു​ന്നു.​ ​അ​തി​ൽ​ ​രു​ക്കു​വി​ന്റെ​ ​തി​രോ​ധാ​നം​ ​പെ​ട്ടെ​ന്നാ​യി​രു​ന്നു. അ​വ​ൾ​ ​എ​വി​ടേ​യ്‌​ക്ക് ​പോ​യി,​ ​എ​ങ്ങോ​ട്ടു​ ​പോ​യി​ ​എ​ന്ന് ​എ​ത്ര​ ​തി​ര​ക്കി​യി​ട്ടും​ ​ആ​ർ​ക്കും​ ​ക​ണ്ടു​ ​പി​ടി​ക്കാ​നാ​വി​ല്ല.​ ​പ​ത്തി​രു​പ​ത് ​വ​ർ​ഷ​മാ​യി​ട്ടും.
അ​പ്പോ​ഴാ​ണ് ​മേ​രി​മാ​താ​ ​ഓ​ർ​ഫ​നേ​ജി​ൽ​ ​വ​ച്ച് ​ ഇ​ന്ന​ലെ​ ​മ​ഗ്ദ​ല​ന​യു​ടെ​ ​ക​ണ്ണി​ൽ​ ​രു​ക്കു​ ​പെ​ട്ട​ത്.​ ​മ​ഗ്ദ​ല​ന​ ​സി​സ്റ്റ​ർ​ ​അ​ത്ര​യും​ ​നാ​ളും​ ​ബാം​ഗ്ലൂ​രി​ലെ​ ​ഓ​ർ​ഫ​നേ​ജി​ന്റെ​ ​ചാ​ർ​ജി​ലാ​യി​രു​ന്നു.​ ​സി​സി​ലി​ ​സി​സ്റ്റ​റി​നെ​ ​ചി​കി​ത്സ​യ്‌​ക്കാ​യി​ ​അ​മേ​രി​ക്ക​യി​ലേ​യ്‌​ക്ക് ​കൊ​ണ്ടു​പോ​യ​തു​ ​കൊ​ണ്ടാ​ണ്.​ ​മ​ഗ്ദ​ല​ന,​ ​മേ​രി​മാ​താ​ ​ഓ​ർ​ഫ​നേ​ജി​ൽ​ ​വ​ന്ന് ​ചാ​ർ​ജ്ജെ​ടു​ത്ത​ത്.
സി​സ്റ്റ​ർ​ ​​മേ​ശ​ ​തു​റ​ന്ന് ​ഫോ​ൺ​ ​ന​മ്പ​റു​ക​ൾ​ ​എ​ഴു​തി​വ​ച്ചി​ട്ടു​ള്ള​ ​ഡ​യ​റി​ ​പു​റ​ത്തെ​ടു​ത്തു.​ഫോ​ണി​ൽ​ ​മാ​ന​സി​യെ​ ​കി​ട്ടി.​ ​ഭാ​ഗ്യ​ത്തി​ന് ​ശാ​ന്ത​നു​ ​വീ​ട്ടി​ലി​ല്ലാ​യി​രു​ന്നു.​ ​മാ​ന​സി​യോ​ട് ​രു​ഗ്മി​ണി​യെ​പ്പ​റ്റി​ ​മ​ഗ്ദ​ല​ന​ ​എ​ല്ലാം​ ​വി​സ്‌​ത​രി​ച്ചു​ ​പ​റ​ഞ്ഞു​കേ​ൾ​പ്പി​ച്ചു.
'​'​അ​വ​ളി​പ്പോ​ൾ​ ​രു​ഗ്മി​ണി​ ​വാ​ര​സ്യാ​ർ​ ​എ​ന്ന​ ​പേ​രു​മാ​റ്റി​ ​രു​ക്കു​ ​എ​ന്ന​ ​പേ​രി​ലാ​ണ് ​അ​റി​യ​പ്പെ​ടു​ന്ന​ത്.​"
സി​സ്റ്റ​ർ​ ​മാ​ന​സി​യെ​ ​രു​ക്കു​വി​ന്റെ​ ​പേ​രു​മാ​റ്റ​വും​ ​കൂ​ട്ട​ത്തി​ൽ​ ​ധ​രി​പ്പി​ച്ചു.
മാ​ന​സി​യു​ടെ​ ​ഹൃ​ദ​യം​ ​സ​ന്തോ​ഷ​ത്താ​ൽ​ ​തു​ടി​ച്ചു.
'​'​സി​സ്റ്റ​റേ​ ​അ​വ​ളെ​ ​എ​നി​ക്കു​ട​നെ​ ​കാ​ണ​ണം.​ ​ഞാ​നെ​ത്ര​യും​ ​വേ​ഗം​ ​അ​വി​ടെ​ ​എ​ത്തും.​ ​ത​ത്ക്കാ​ലം​ ​ഈ​ ​കാ​ര്യം​ ​ശാ​ന്ത​നു​വും ​ ​അ​ല​സ​യും​ ​അ​റി​യ​ണ്ട.​ ​പി​ന്നെ​ ​സ​മ​യം​ ​വ​രും​ ​അ​പ്പോ​ൾ​ ​പ​റ​യാം.​"
'​'​അ​തെ​ ​മാ​ന​സി.​ ​ക​ർ​ത്താ​വ് ​ന​മ്മു​ടെ​ ​പ്രാ​ർ​ത്ഥ​ന​ ​കേ​ട്ടു.​ ​അ​വ​ളെ​ ​ക​ണ്ടാ​ൽ​ ​ആ​ർ​ക്കും​ ​പെ​ട്ടെ​ന്ന് ​മ​ന​സി​ലാ​വി​ല്ല.​ ​വേ​ഷം​ ​പോ​ലും​ ​മാ​റ്റി​യി​രി​ക്കു​ന്നു.​ ​ഒ​രു​ ​ക്രി​സ്‌​ത്യൻ​ ​ദൈ​വ​വി​ശ്വാ​സി​യാ​ണി​പ്പോ​ൾ​ ​അ​വ​ൾ.​ ​ച​ട്ട​യും​ ​മു​ണ്ടും​ ​ക​ഴു​ത്തി​ൽ​ ​കൊ​ന്ത​യു​മൊ​ക്കെ​യാ​ണ് ​ധ​രി​ച്ചി​രി​ക്കു​ന്ന​ത്.​ ​ഒ​റ്റ​ ​നോ​ട്ട​ത്തി​ൽ​ ​ഒ​രു​ ​ക്രി​സ്‌​തീ​യ​ ​പെ​ണ്ണ്.​ ​ഇ​വി​ട​ത്തെ​ ​കു​ശി​നി​ക്കാ​രി​യും​ ​കൂ​ടി​ ​ആ​യ​പ്പോ​ൾ​ ​മ​റ്റൊ​രാ​ളാ​യി​ ​തോ​ന്നി​ല്ല."
'​'​ഇ​തൊ​ക്കെ​ ​സ​ത്യ​മാ​ണോ​ ​സി​സ്റ്റ​ർ​?​"
'​'​എ​ന്തൊ​ക്കെ​യോ​ ​അ​വ​ളു​ടെ​ ​ജീ​വി​ത​ത്തി​ൽ​ ​ന​ട​ന്നി​രി​ക്കു​ന്നു.​ ​പ​ത്തൊ​മ്പ​തു​വ​യ​സാ​യ​ ​ഒ​രു​ ​പെ​ൺ​കു​ട്ടി​യു​ടെ​ ​അ​മ്മ​ ​കൂ​ടി​യാ​യ​പ്പോ​ൾ​ ​ചു​മ​ത​ല​യും​ ​കൂ​ടി​യി​രി​ക്കു​ന്നു.​ ​"
'​'​അ​പ്പോ​ൾ​ ​എ​ന്റെ​ ​മ​ക​ൾ​ ​അ​ല​സ​യു​ടെ​ ​പ്രാ​യ​മാ​ണ​വ​ളു​ടെ​ ​മ​ക​ളും.​ ​"
'​'​അ​തി​നെ​പ്പ​റ്റി​യൊ​ക്കെ​ ​ഇ​നി​ ​ചോ​ദി​ച്ച​റി​യ​ണം.​ ​എ​ന്താ​യാ​ലും​ ​അ​വ​ളെ​ ​ക​ണ്ടു​കി​ട്ടി​യ​ല്ലോ.​ ​ഒ​രു​ ​കാ​ര്യം​ ​എ​നി​ക്ക് ​മ​ന​സി​ലാ​യി.​ ​അ​വ​ൾ​ ​അ​വ​ളെ​ ​പ​റ്റി​ ​ത​ന്നെ​ ​ഒ​രു​ ​ക​ള്ള​ക്ക​ഥ,​ ​ന​ട​ന്ന​തു​പോ​ലെ​ ​മെ​ന​ഞ്ഞ് ​നാ​ട്ടു​കാ​രു​ടെ​ ​ഇ​ട​യി​ൽ​ ​അ​ങ്ങ് ​പ്ര​ച​രി​പ്പി​ച്ച​താ.​ ​അ​തും​ ​നി​ന​ക്കു​വേ​ണ്ടി.​ ​ശാ​ന്ത​നു​ ​അ​വ​ളെ​ ​വെ​റു​ത്തി​ട്ട് ​നി​ന്നെ​ ​വി​വാ​ഹം​ ​ചെ​യ്യാ​ൻ​ ​വേ​ണ്ടി.​ ​അ​ന്നേ​ ​ഞാ​നി​ക്കാ​ര്യം​ ​സം​ശ​യം​ ​പ​റ​ഞ്ഞി​രു​ന്നി​ല്ലേ​ ​നീ​ ​ശാ​ന്ത​നു​വി​നെ​ ​ഇ​ഷ്‌​ട​പ്പെ​ടു​ന്നു​ണ്ട് ​എ​ന്ന​വ​ൾ​ ​എ​ന്നി​ൽ​ ​നി​ന്ന​ല്ലേ​ ​അ​റി​ഞ്ഞ​ത്.​ ​അ​വ​ളും​ ​ശാ​ന്ത​നു​വു​മാ​യി​ട്ടു​ള്ള​ ​അ​ടു​പ്പം​ ​സ​ത്യ​ത്തി​ൽ​ ​എ​നി​ക്കു​മ​റി​യു​മാ​യി​രു​ന്നി​ല്ല​ല്ലോ​ ​അ​ത് ​പ​റ​ഞ്ഞ​പ്പോ​ൾ.​"
'​'​അ​പ്പോ​ൾ​ ​ന​മ്മു​ടെ​ ​സം​ശ​യം​ ​ശ​രി​യാ​യി​രു​ന്നു​ ​അ​ല്ലേ​?​ ​"
'​'​അ​തേ​ടീ.​ ​പാ​വം​ ​അ​തി​നാ​യി​ ​അ​വ​ൾ​ ​മ​റ്റാ​രെ​യോ​ ​ഭ​ർ​ത്താ​വാ​യി​ ​ക​ണ്ടു​പി​ടി​ച്ച​താ​വും.​"
'​'​ങും.​ ​അ​വ​ൾ​ ​എ​ന്നെ​പ്പ​റ്റി​ ​ചോ​ദി​ച്ചോ​ ​മ​ഗ്ദ​ല​ന​?​"
'​'​എ​ന്റെ​ ​ മു​ന്നി​ൽ​ ​അ​വ​ൾ​ ​മു​ഖം​മൂ​ടി​ ​അ​ഴി​ച്ചു​വ​ച്ചി​ട്ട് ​ ആ​ദ്യം​ ​നി​ന്നെ​പ്പ​റ്റി​യാ​ണ് ​ചോ​ദി​ച്ച​ത്.​ ​നീ​ ​സു​ഖ​മാ​യി​ ​ഇ​രി​ക്കു​ന്നു​ണ്ടോ​ ​എ​ന്ന​റി​യാ​ൻ.​"
'​'​മാ​ണി​ക്യം​ ​കു​പ്പി​യി​ൽ​ ​കി​ട​ന്നാ​ലും​ ​അ​ത് ​തി​ള​ങ്ങി​ക്കൊ​ണ്ടേ​യി​രി​ക്കും​ ​സി​സ്റ്റ​ർ.​ ​നീ​ ​അ​വ​ളു​ടെ​ ​മ​ക​ളെ​ ​ക​ണ്ടോ​?​ ​"
'​'​ഇ​ല്ല.​ ​നാ​ളെ​ ​അ​വ​ളെ​ ​ഇ​വി​ടെ​ ​കൊ​ണ്ടു​വ​രാ​മെ​ന്ന് ​പ​റ​ഞ്ഞി​ട്ടു​ണ്ട്.​ ​"
'​'​എ​നി​ക്ക​വ​ളെ​യും​ ​മ​ക​ളെ​യും​ ​എ​ത്ര​യും​ ​പെ​ട്ടെ​ന്ന് ​കാ​ണ​ണം.​ ​എ​ന്തെ​ങ്കി​ലും​ ​ഒ​രു​ ​കാ​ര​ണം​ ​പ​റ​ഞ്ഞ് ​ഞാ​നു​ട​നെ​ ​നാ​ട്ടി​ലെ​ത്തും.​ ​അ​തൊ​രു​ ​സ​സ്‌​പെ​ൻ​സാ​യി​രി​ക്ക​ട്ടെ...​"
സൗ​ഹൃ​ദം​ ​പ​ങ്കി​ട്ട് ​അ​വ​ർ​ ​ഫോ​ൺ​ ​ക​ട്ട് ​ചെ​യ്‌​തു.
*​*​*​*​*​*​*​*​*​*​**
രു​ക്കു​ ​വീ​ടെ​ത്തി​യ​പ്പോ​ൾ​ ​ആ​കെ​ ​ന​ന​ഞ്ഞു​ ​കു​തി​ർ​ന്നി​രു​ന്നു.​ ​തോ​ളി​ൽ​ ​കി​ട​ന്ന​ ​ര​ണ്ടാം​ ​മു​ണ്ട് ​പി​ഴി​ഞ്ഞ് ​ ഇ​റ​യ​ത്ത് ​വ​ച്ചു.​ ​ചാ​ണ​കം​ ​മെ​ഴു​കി​യ​ ​വ​രാ​ന്ത​യി​ലേ​ക്ക് ​ക​യ​റാ​ൻ​ ​ശ്ര​മി​ച്ചു.​ ​മ​ഴ​യ​ത്ത് ​സ്ട്രീ​റ്റ് ലൈറ്റ് ​ഓ​ഫാ​യി​രു​ന്നു.​ ​കൈ​യി​ലി​രു​ന്ന​ ​ടോ​ർ​ച്ച് ​തെ​ളി​ച്ചു.
ഉ​മ്മ​റ​ത്ത് ​ക​ത്തി​ച്ചു​വ​ച്ചി​രു​ന്ന​ ​നി​ല​വി​ള​ക്ക് ​ആ​രോ​ ​ത​ട്ടി​ത്തെ​റി​പ്പി​ച്ചി​രു​ന്ന​തു​പോ​ലെ​ ​ച​രി​ഞ്ഞു​ ​കി​ട​ക്കു​ന്ന​ ​കാ​ഴ്‌​ച​യാ​ണ് ​ക​ണ്ട​ത്.​ ​എ​ണ്ണ​ ​വേ​റെ,​ ​വി​ള​ക്കു​വേ​റെ,​ ​ക​രി​ന്തി​രി​ ​വേ​റെ​യാ​യി.
അ​വ​ർ​ ​ത​റ​യി​ൽ​ ​കി​ട​ന്നി​രു​ന്ന​ ​നി​ല​വി​ള​ക്ക് ​കൈ​യി​ലെ​ടു​ത്തു.​ ​തൊ​ട്ട​ടു​ത്തു​ ​കി​ട​ന്ന​ ​ക​രി​ന്തി​രി​യും.​ ​തി​ട്ട​യി​ലി​രു​ന്ന​ ​തീ​പ്പെ​ട്ടി​യെ​ടു​ത്ത് ​വി​ള​ക്കു​ ​ക​ത്തി​ച്ചു​കൊ​ണ്ട് ​വാ​തി​ലി​നരി​കി​ലേ​ക്ക് ​ന​ട​ന്നു.​ ​മു​ൻ​വാ​തി​ൽ​ ​തു​റ​ന്നു​ കി​ട​ക്കു​ന്ന​ത് ​ക​ണ്ട് ​നെ​ഞ്ചൊ​ന്നു​ ​കാ​ളി.
'​'​ത​ളി​രേ...​നീ​ ​എ​ന്തെ​ടു​ക്കു​വാ​ ​ഈ​ ​ഇ​രു​ട്ട​ത്ത്.​ ​വാ​തി​ലും​ ​തു​റ​ന്നി​ട്ട്?​"
രു​ക്കു​ ​ശ​കാ​രി​ച്ചു.
മ​റു​പ​ടി​ ​ഇ​ല്ലാ​ത്ത​തു​കൊ​ണ്ട് ​രു​ക്കു​ ​അ​വ​ളെ​ ​വീ​ണ്ടും​ ​രൂ​ക്ഷ​മാ​യി​ ​വഴക്കുപറഞ്ഞു കൊ​ണ്ട് ​അ​ക​ത്തേ​ക്ക് ​ക​യ​റി.
കൈ​യി​ലി​രു​ന്ന​ ​ടോ​ർ​ച്ചി​ന്റെ​ ​വെ​ളി​ച്ച​ത്തി​ൽ​ ​ത​റ​യി​ൽ​ ​ര​ക്ത​ത്തി​ൽ​ ​കു​തി​ർ​ന്നു​ ​കി​ട​ക്കു​ന്ന​ ​ത​ളി​രി​നെ​ ​രു​ക്കു​ക​ണ്ടു.
'​'​അ​യ്യോ​ ​മോ​ളേ...​ഇ​തെ​ന്തു​പ​റ്റി​?​ ​ആ​രാ​ ​നി​ന്നെ​ ​ഉ​പ​ദ്ര​വി​ച്ച​ത്?​"
ഒ​രു​ ​ഞ​ര​ക്കം​ ​മാ​ത്ര​മാ​യി​രു​ന്നു​ ​മ​റു​പ​ടി.
രു​ക്കു​ ​ത​ളി​രി​ന്റെ​ ​ത​ല​യെ​ടു​ത്ത് ​സ്വ​ന്തം​ ​മ​ടി​യി​ൽ​ ​വ​ച്ചു.​ ​അ​ടു​ക്ക​ള​യി​ൽ​ ​നി​ന്നെ​ടു​ത്തു​ ​വ​ന്ന​ ​വെ​ള്ളം​ ​മു​ഖ​ത്ത് ​ത​ളി​ച്ചു.​ ​ചു​ണ്ടി​ൽ​ ​വെ​ള്ളം​ ​ഇ​റ്റി​ച്ചു​കൊ​ടു​ത്തു.
'​'​ ​മോ​ളെ​ ​ക​ണ്ണു തു​റ​ക്ക്...​ഞാ​നാ​ ​നി​ന്റെ​ ​അ​മ്മ.​"
പാ​തി​മ​യ​ക്ക​ത്തി​ലെ​ന്ന​പോ​ലെ​ ​ത​ളി​ർ​ ​ക​ണ്ണ് ​തു​റ​ന്നു.​ ​പി​ന്നെ​യും​ ​അ​ട​ഞ്ഞ​ ​ക​ണ്ണു​ക​ൾ.
മോ​ളേ​ ​പ​റ​യൂ...​ ​ഇ​വി​ടെ​ ​എ​ന്താ​ ​ന​ട​ന്ന​ത്?
ത​ളിർ അല്‌​പം​ ​ക​ഴി​ഞ്ഞ​പ്പോ​ൾ​ ​ഉ​ണ​ർ​ന്നു.​ ​അ​വി​ടെ​ ​ന​ട​ന്ന​തൊ​ക്കെ​ ​പ​റ​ഞ്ഞു.
'​'​എ​ന്നി​ട്ട​യാ​ൾ​ ​എ​വി​ടെ​?​ ​ആ​ ​ദേ​വേ​ന്ദ്ര​ ​കാ​ര​ണ​വ​ർ​?​ ​"
രു​ക്കു​ ​ഭ​ദ്ര​കാ​ളി​യെ​പ്പോ​ലെ​ ​വി​റ​ച്ചു. അപ്പോൾ വന്ന കറന്റിൽ രുക്കു ആ കാഴ്ച കണ്ടു.​ക​ട്ടി​ലി​ന്റെ​ ​കാ​ൽ​ക്ക​ലാ​യി​ ​ര​ക്ത​ത്തി​ൽ​ ​കു​ളി​ച്ചു​കി​ട​ക്കു​ക​യാ​യി​രു​ന്നു​ ​ദേ​വേ​ന്ദ്ര​ ​കാ​ര​ണ​വ​ർ.​ ​തൊ​ട്ട​ടു​ത്ത് ​ന​ല്ല​ ​മൂ​ർ​ച്ച​യു​ള്ള​ ​വാ​ക്ക​ത്തി​യും.
അ​വ​ൾ​ ​വാ​ക്ക​ത്തി​ ​കൈ​യി​ലെ​ടു​ത്തു​ ​തി​രി​ച്ചും​ ​മ​റി​ച്ചും​ ​നോ​ക്കി.​ ​രാ​വി​ലെ​ ​താ​ൻ​ ​മ​ട​ലു​വെ​ട്ടു​ക്കീ​റി​ ​ ഉ​ണ​ങ്ങാ​നി​ട്ട​ത് ​ഈ​ ​വാ​ക്ക​ത്തി​ ​കൊ​ണ്ടാ​ണ്.​ ​എ​ന്നി​ട്ട് ​കൈ​വ​രി​യി​ൽ​ ​ത​ന്നെ​ ​വ​യ്‌​ക്കു​ക​യും​ ​ചെ​യ്‌​തി​രു​ന്ന​താ​ണ്.
രു​ക്കു​ ​തി​രി​ഞ്ഞ് ​ത​ളി​രി​ന്റെ​ ​നേ​രെ​ ​സം​ശ​യ​രൂ​പ​ത്തി​ൽ നോക്കി.
അ​യാ​ളു​ടെ​ ​ഉ​പ​ദ്ര​വ​ത്തി​ൽ​ ​നി​ന്നും​ ​ര​ക്ഷ​പ്പെ​ടാ​ൻ​ ​ത​ന്റെ​ ​മോ​ൾ​ ​ചെ​യ്‌​തു​പോ​യ​ ​തെ​റ്റ്.​ ​ഒ​രി​ക്ക​ലും​ ​ക​രു​തി​ ​കൂ​ട്ടി​യ​ല്ലെ​ങ്കി​ലും​ ​കൊ​ല​യെ​ന്നും​ ​കൊ​ല​യാ​ണ്.
'​'​ക​ർ​ത്താ​വേ...​ ​ത​ന്റെ​ ​മോ​ളൊ​രു​ ​കൊ​ല​പാ​ത​കി​യെ​ന്ന് ​മു​ദ്ര​കു​ത്ത​പ്പെ​ടു​ക​യാ​ണോ...​ഡോ​ക്‌​ട​ർ​ ​ത​ളി​ർ​ ​എ​ന്ന് ​കേ​ൾ​ക്കാ​ൻ​ ​കൊ​തി​ച്ച​ ​കാ​തു​ക​ൾ​ ​എ​ത്ര​യാ​ണു​ള്ള​ത്?​"
രു​ക്കു​വി​നെ​ ​ആ​ ​ചി​ന്ത​ ​വ​ല്ലാ​തെ​ ​ന​ടു​ക്കി.
ക​ർ​ത്താ​വേ ​എ​നി​ക്കൊ​രു​ ​വ​ഴി​ ​കാ​ണി​ച്ചു​ത​രൂ.​ ​ഇ​നി​ ​ചി​ന്തി​ച്ചു​നി​ന്നി​ട്ട് ​കാ​ര്യ​മി​ല്ല.​ ​ഒ​ന്നും​ ​ഒ​ളി​ക്കാ​നാ​വി​ല്ല.
ദേ​വേ​ന്ദ്ര​ക്കാ​ര​ണ​വ​രു​ടെ​ ​മൃ​ത​ദേ​ഹം​ ​ത​ന്റെ​ ​വീ​ട്ടി​ന​ക​ത്താ​ണ് ​ര​ക്തം​ ​ചി​ന്തി​ക്കി​ട​ക്കു​ന്ന​ത്.​ ​കാ​ർ​ ​വ​ഴി​യ​രി​കി​ൽ​ ​അ​നാ​ഥ​മാ​യി​ ​കി​ട​ക്കു​ന്ന​തു​ ​ക​ണ്ട​പ്പോ​ൾ​ ​ ​റി​സോ​ർ​ട്ട് ​പ​ണി​യു​ന്നി​ട​ത്ത് ​വ​ന്ന​താ​വും​ ​എ​ന്നാ​യി​രു​ന്നു​ ​ക​രു​തി​യ​ത്.
രു​ക്കു​ ​കൈ​യി​ലി​രു​ന്ന​ ​കൊ​ത്തു​വാ​ൾ​ ​ഒ​ന്നു​കൂ​ടി​ ​നോ​ക്കു​മ്പാ​ഴാ​ണ് ​വാ​തി​ൽ​ക്ക​ൽ​ ​ശ​ബ്‌​ദം​ ​കേ​ട്ട​ത്.
'​'​ആ​ ​ക​ത്തി​ ​ഇ​ങ്ങ് ​ത​ന്നേ​ക്ക്.​"
കാ​ക്കി​ധാ​രി​ക​ളാ​യ​ ​മൂ​ന്നാ​ലു​പേ​ർ.
'​'​ഏ​മാ​നേ...​"
രു​ക്കു​ ​പൊ​ട്ടി​ക്ക​ര​ഞ്ഞു​കൊ​ണ്ട് ​സി.​ഐ​ ​രം​ഗ​നാ​ഥ​ന്റെ​ ​കാ​ൽ​ക്ക​ൽ​ ​വീ​ണു.
'​'​വേ​ണ്ട...​അ​ഭി​ന​യം​ ​വേ​ണ്ട.​ ​എ​ഴു​ന്നേ​ൽ​ക്കെ​ടീ...​ങും.​"
അ​യാ​ൾ​ ​രു​ക്കു​വി​നെ​ ​പി​ടി​ച്ചെ​ഴു​ന്നേ​ല്‌​പി​ക്കാ​നാ​യി​ ​കൂ​ടെ​യു​ണ്ടാ​യി​രു​ന്ന​ ​വ​നി​താ​ ​പൊ​ലീ​സി​നോ​ട് ​പ​റ​ഞ്ഞു.
ദേ​വേ​ന്ദ്ര​ക്കാ​ര​ണ​വ​രു​ടെ​ ​ക​ഴു​ത്തി​ലെ​ ​മു​റി​വ് ​പ​രി​ശോ​ധി​ച്ചി​ട്ട് ​സി.​ഐ​ ​അ​ഭി​പ്രാ​യ​പ്പെ​ട്ടു.
'​'​ഒ​റ്റ​ ​വെ​ട്ടി​നി​ത്ര​ ​ആ​ഴ​ത്തി​ൽ​ ​മു​റി​വു​ണ്ടാ​ക്കാ​ൻ​ ​പ​റ്റി​യോ​?​ചി​ല്ല​റ​ ​ഊ​ക്കി​ല​ല്ല​ ​വെ​ട്ടി​വീ​ഴ്‌​ത്തി​യ​ത്.​ ​വാ​ഴ​ക്കൈ​ ​വെ​ട്ടും​ ​പോ​ലെ​യ​ല്ലേ​ ​വെ​ട്ടി​ ​വീ​ഴ്‌​ത്തി​യി​രി​ക്കു​ന്ന​ത്.​ ​മി​ടു​ക്കി​യാ​ണ​ല്ലോ​ടീ.​ ​ആ​ള് ​ക​ണ്ട​തു​പോ​ലൊ​ന്നു​മ​ല്ല​ല്ലോ...​"​"
രു​ക്കു​വി​നെ​ ​സി.​ഐ​ ​രൂ​ക്ഷ​മാ​യി​ ​നോ​ക്കി.
അ​വ​ർ​ ​മ​റു​പ​ടി​ ​പ​റ​യാ​തെ​ ​ത​ല​ ​കു​നി​ച്ചു​ ​പി​ടി​ച്ചു​നി​ന്നു.​ ​താ​ൻ​ ​ത​ന്നെ​യാ​ണ് ​ആ​ ​കൃ​ത്യം​ ​ചെ​യ്‌​ത​ത് ​എ​ന്ന​ ​ഭാ​വ​മാ​യി​രു​ന്നു​ ​ആ​ ​മു​ഖ​ത്ത്.​ ​ത​ളി​രി​ന്റെ​ ​ഭാ​വി​ ​മാ​ത്ര​മാ​യി​രു​ന്നു​ ​അ​പ്പോ​ൾ​ ​മ​ന​സി​ൽ.
'​'​സ​ർ​ ​ഞാ​ൻ​ ​പ​റ​യാം...​സ​ത്യം.​ ​"
ചു​വ​രി​ൽ​ ​ചാ​രി​ ​ക്ഷീ​ണി​ത​യാ​യി​ ​ഇ​രു​ന്നി​രു​ന്ന​ ​ത​ളി​ർ​ ​ഇ​ഴ​ഞ്ഞി​ഴ​ഞ്ഞ് ​മു​ന്നോ​ട്ടു​വ​ന്നു.​ ​എ​ന്തോ​ ​പ​റ​യാ​നാ​യി​ ​അ​വ​ൾ​ ​ശ്ര​മി​ച്ചു. ​അ​മ്മ​യെ​ ​കൊ​ല​ക്കു​റ്റ​ത്തി​ന് ​അ​റ​സ്റ്റ് ​ചെ​യ്യു​മെ​ന്ന് ​അ​വ​ൾ​ ​ഭ​യ​പ്പെ​ട്ടു.​ ​ഒ​രു​ ​കു​റ്റ​വും​ ​ചെ​യ്യാ​ത്ത​ ​അ​മ്മ​ ​എ​ന്താ​ണ് ​സ​ത്യം​ ​പ​റ​യാ​തെ​ ​നി​ൽ​ക്കു​ന്ന​ത്.​ ​ത​ളി​രി​ന് ​ആ​ ​മൗ​നം​ ​സ​ഹി​ക്കാ​നാ​യി​ല്ല.
'​'​ദാ​ ​ക​ണ്ടോ​ ​സാ​റ​ന്മാ​രെ...​ ​ഇ​യാ​ൾ​ ​എ​ന്റെ​ ​ മ​ക​ളെ​ ​ഉ​പ​ദ്ര​വി​ച്ച് ​അ​വ​ശ​യാ​ക്കി​യി​രി​ക്കു​ന്ന​ത്.​ ​അ​തു​ക​ണ്ടു​കൊ​ണ്ട് ​പു​റ​ത്തു​നി​ന്നും​ ​ക​യ​റി​വ​ന്ന​ ​ഞാ​ൻ​ ​മ​റ്റൊ​ന്നും​ ​ചി​ന്തി​ച്ചി​ല്ല.​ ​മ​ക​ളെ​ ​ര​ക്ഷി​ക്ക​ണ​മെ​ന്നേ​ ​തോ​ന്നി​യു​ള്ളൂ.​ ​കൈ​യി​ൽ​ ​കി​ട്ടി​യ​തെ​ടു​ത്ത് ​വെ​ട്ടി​വീ​ഴ്‌​ത്തി.​ ​"
രു​ക്കു​ ​പൊ​ട്ടി​ക്ക​ര​ഞ്ഞു​ ​കൊ​ണ്ട് ​വീ​ണ്ടും​ ​പ​റ​ഞ്ഞു.
'​'​സ​ർ​ ​എ​ന്നെ​ ​അ​റ​സ്റ്റ് ​ചെ​യ്‌​തോ​ളൂ.​ ​ഏ​തൊ​ര​മ്മ​യും​ ​ചെ​യ്യു​ന്ന​തേ​ ​ഞാ​നും​ ​ചെ​യ്‌​തു​ള്ളൂ.​"
'​'​രു​ഗ്മി​ണി​ ​വാ​ര​സ്യാ​ർ​ ​എ​ന്ന​ല്ലേ​ ​നി​ങ്ങ​ളു​ടെ​ ​പേ​ര്?​ ​"
സി.​ഐ​ ​ചോ​ദി​ച്ചു
'​'​അ​തെ​ ​സ​ർ.​ ​"
ത​ളി​ര​ത് ​കേ​ട്ട് ​ഒ​ന്നു​ ​ഞെ​ട്ടി.
അ​മ്മ​യു​ടെ​ ​യ​ഥാ​ർ​ത്ഥ​ ​പേ​ര് ​അ​തു​വ​രെ​ ​ത​ളി​രി​ന​റി​യി​ല്ലാ​യി​രു​ന്നു.
'​'​ങും.​ ​അ​വ​രെ​ ​ജീ​പ്പി​ലേ​ക്ക് ​ക​യ​റ്റൂ.​ ​"
അ​മ്മ​യെ​ ​കൊ​ല​ക്കു​റ്റ​ത്തി​ന് ​അ​റ​സ്റ്റു​ ​ചെ​യ്യു​ന്ന​ത് ​ക​ണ്ടു​നി​ൽ​ക്കാ​ൻ​ ​ത​ളി​രി​ന് ​ക​ഴി​ഞ്ഞി​ല്ല.​ ​അ​വ​ൾ​ ​ജീ​പ്പി​ന​ടു​ത്തേ​ക്ക് ​നി​ല​വി​ളി​ച്ചു​ ​കൊ​ണ്ടോ​ടി​യ​ടു​ത്തു.
'​'​അ​മ്മേ​ ​എ​ന്നെ​ ​കൂ​ടി​ ​കൊ​ണ്ടു​പോ​കൂ.​ ​സാ​റ​ന്മാ​രെ​ ​എ​ന്റ​മ്മ​യെ​ ​എ​വി​ടേ​യ്‌​ക്കും​ ​കൊ​ണ്ടു​പോ​ക​രു​തേ.​ ​ഞാ​ൻ​ ​അ​നാ​ഥ​യാ​കു​ം ​സാ​ർ.​ ​എ​നി​ക്ക​മ്മ​യ​ല്ലാ​തെ​ ​മ​റ്റാ​രു​മി​ല്ല.​"
അ​വ​ൾ​ ​നി​ല​വി​ളി​ച്ചു.​ ​ജീ​പ്പി​ലേ​ക്ക് ​ക​യ​റാ​നാ​യി​ ​നി​ന്ന​ ​രു​ക്കു​വി​നെ​ ​ത​ളി​ർ​ ​പൂ​ണ്ട​ട​ക്കം​ ​പി​ടി​ച്ചു.
'​'​നി​ങ്ങ​ൾ​ക്ക് ​ബ​ന്ധു​ക്ക​ളാ​യി​ ​ആ​രു​മി​ല്ലേ​?​ ​ഉ​ണ്ടെ​ങ്കി​ൽ​ ​പ​റ​യൂ.​ ​ഇ​നി​ ​കു​ട്ടി​യെ​ ​ഞ​ങ്ങ​ൾ​ ​അ​വ​രെ​ ​ഏ​‌​ല്‌​പി​ക്കാം.​"
'​'​സ​ർ​ ​ഞാ​ൻ​ ​ജോ​ലി​ ​നോ​ക്കു​ന്ന​ ​ഒ​രു​ ​സ്ഥ​ല​മു​ണ്ട്?​ ​അ​വി​ടെ​യാ​ക്കാം.​"
രു​ക്കു​ ​പ​റ​ഞ്ഞു.
'​'​എ​വി​ടെ​യാ​ണെ​ന്ന് ​പ​റ​യൂ.​ ​"
'​'​മേ​രി​ ​മാ​താ​ ​ഓ​ർ​ഫ​നേ​ജ്.​ ​കോ​ൺ​വെ​ന്റു​കൂ​ടി​യാ.​ ​ഞാ​ന​വി​ട​ത്തെ​ ​കു​ശി​നി​ക്കാ​രി​യാ​ണ് ​സാ​ർ.​"
'​'​അ​വി​ടെ​ ​നി​ങ്ങ​ളു​ടെ​ ​മ​ക​ൾ​ ​സേ​ഫാ​യി​രി​ക്കു​മോ​?​ ​""
'​'​തീ​ർ​ച്ച​യാ​യും.​ ​സാ​റ​ന്മാ​ർ​ ​എ​ന്നെ​ക്കൂ​ടെ​ ​അ​വി​ടം​ ​വ​രെ​ ​ഒ​ന്നു​ ​കൊ​ണ്ടു​പോ​ക​ണേ.​ ​ഇ​വ​ളെ​ ​അ​വി​ടെ​യാ​ക്കി​യി​ട്ട് ​നി​ങ്ങ​ളോ​ടൊ​പ്പം​ ​മ​ട​ങ്ങാം.​"
സി.​എ​യും​ ​വ​നി​താ​ ​പൊ​ലീ​സും​ ​പ​ര​സ്‌​പ​രം​ ​നോ​ക്കി.

(​തു​ട​രും)