കൊല്ലം: മുൻ ജസ്റ്റിസ് കെമാൽ പാഷയ്ക്കെതിരെ പരോക്ഷ വിമർശനവുമായി മുഖ്യമന്ത്രി പിണറായി വിജയൻ. ഒരു മുൻ ന്യായാധിപൻ ജമാ അത്തെ ഇസ്ലാമിയുടെ നാവായി മാറുന്നുവെന്ന് പിണറായി പറഞ്ഞു. കൊല്ലത്ത് കർഷക സംഘത്തിന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു പിണറായി.

ഇരുന്ന കസേരയുടെ വലിപ്പം മനസിലാക്കാതെ തെറ്റിദ്ധാരണ പരത്തുകയാണ് മുൻ ന്യായാധിപൻ. ജമാ അത്തെയും എസ്.ഡി.പി.ഐയെയും കുറിച്ച് പറയുമ്പോൾ എന്തിനാണ് അയാൾ വിളറിപിടിക്കുന്നതെന്നും പിണറായി ചോദിച്ചു. പൗരത്വനിയമത്തിനെതിരായ സമരത്തിൽ എസ്.ഡി.പി.ഐയും ജമാ അത്തെ ഇസ്ലാമിയെയും പങ്കാളിയാക്കില്ലെന്നും പിണറായി പറഞ്ഞു.