അങ്കമാലി.അശരണരായ രോഗികൾക്ക് ആശ്രയം നൽകി പ്രശസ്തനായ ഡോ. പോൾ.ജെ. മാമ്പിള്ളി (87)നിര്യാതനായി. സംസ്‌കാരം നാളെ വൈകിട്ട് നാലരയ്ക്ക് ഞാറയ്ക്കൽ സെന്റ്‌മേരീസ്‌ ദേവാലയസെമിത്തേരിയിൽ.ജോലി രാജിവച്ച് 1973ൽ കറുകുറ്റിയിൽ സ്ഥലം വാങ്ങി ഒറ്റമുറികെട്ടിടത്തിൽ ഒമ്പത് കാൻസർ രോഗികൾക്ക് സൗജന്യ ചികിത്സാസൗകര്യം ഒരുക്കിയാണ് ജീവവകാരുണ്യ പ്രവർത്തനങ്ങൾക്ക് തുടക്കം കുറിച്ചത്.. എൽഎഫ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നാളെ രാവിലെ 7 മുതൽ 8 വരെ എൽഎഫ് ആശുപത്രിയിലും 8.30 മുതൽ 10 വരെ കറുകുറ്റി ക്രിസ്തുരാജാശ്രമത്തിലും 10.30 മുതൽ 1.30 വരെ ഡോ.പോളിന്റെ ആശുപത്രിയിലും പൊതുദർശനത്തിന് വയ്ക്കും. തുടർന്ന് 4 മുതൽ 4.30 വരെ ഞാറയ്ക്കൽ സെന്റ്‌മേരീസ് ദേവാലയത്തിൽ പൊതുദർശനം.ഞാറയ്ക്കൽ മാമ്പിളളി പാപ്പു-മറിയക്കുട്ടി ദമ്പതികളുടെ ഇളയമകനായ ഡോ. പോൾ അവിവാഹി​തനായിരുന്നു.