ന്യൂഡൽഹി: ദിവസം എട്ടു ലക്ഷം രൂപ സൂപ്പർ ലക്ഷ്വറി റേറ്റ് ഉള്ള ഐ.ടി.സി മൗര്യയിലെ പ്രസിഡൻഷ്യൽ സ്വീറ്റിൽ താമസിച്ച്, ലോകത്തെ തന്നെ ഏറ്റവും മികച്ച ഭക്ഷണശാലകളിലൊന്നായ ബുഖാറയിൽ നിന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് കഴിക്കുന്ന ഭക്ഷണം എത്ര ചെലവേറിയതായിരിക്കും? ഞെട്ടാൻ തയ്യാറെടുക്കേണ്ട. കാരണം, റേറ്റ് അത്ര ഞെട്ടിക്കുന്നതല്ല എന്നതു തന്നെ. വമ്പൻ ഹോട്ടൽ ശൃംഖലകളുടെ ഉടമയാണെങ്കിലും ട്രംപിന് ഭക്ഷണത്തോട് ആർത്തി തീരെ പോരാ.
ട്രംപിനെ അടുത്തറിയാവുന്നവർക്ക് ശരിക്കും അറിയാം- പ്രാതലിന് മുട്ടയും സോസേജും കിട്ടിയാൽ ധാരളം. ഉച്ചഭക്ഷണം നിർബന്ധമില്ല. പത്തോ പതിനഞ്ചോ മണിക്കൂർ നേരം ഭക്ഷണം കഴിക്കാതിരുന്നാലും നോ പ്രോബ്ളം. പക്ഷേ അത്താഴം കേമമാകണം.ചിക്കൻ മാക്സ്,ഫിഷ് സാൻവിച്ച്, ചോക്കലേറ്റ് ഷേക്ക്... ഇതെല്ലാം നൈറ്റ് ഐറ്റംസ് ആണ്. വെള്ളമടി തീരെ ഇല്ലെങ്കിലും ഡയറ്റ് കോക്ക് ദിവസവും പന്ത്രണ്ട് കാൻ എങ്കിലും നിർബന്ധം.
സ‌പ്‌തനക്ഷത്ര താമസമാണെങ്കിലും ഹോട്ടൽ ഐ.ടി.സി മൗര്യയിൽ ട്രംപ് കഴിക്കുന്ന ഭക്ഷണത്തിന് പരമാവധി 1450 ഇന്ത്യൻ രൂപയേ ചെലവാകൂ! ട്രംപിന്റെ പതിവു ഭക്ഷണക്രമവും അതിന്റെ ഇന്ത്യൻ റേറ്റും ഇങ്ങനെ:
സോസേജ് മക്മഫിൻ- 105.00 രൂപ
ചിക്കൻ മഹാരാജാ മാക്- 422.00 രൂപ (രണ്ടെണ്ണത്തിന്)
ഫിഷ് സാൻവിച്ച്- 300.00 രൂപ (രണ്ടെണ്ണത്തിന്)
ചോക്കലേറ്റ് ഷേക്ക്- 148.00 രൂപ
ഡയറ്റ് കോക്ക്- 444.00 രൂപ (12 എണ്ണത്തിന്)
ഇന്ദ്രപ്രസ്ഥത്തിലെ മൗര്യസാമ്രാജ്യം
അമേരിക്കൻ പ്രസിഡന്റ് ഡൊണാർഡ് ട്രംപിന്റെ വരവോടെ വീണ്ടും വാർത്തകളിൽ ഇടം നേടുകയാണ് ഡൽഹിയിലെ സർദാർ പട്ടേൽ മാർഗിലുള്ള അത്യാഡംബര ഹോട്ടലായ ഐ.ടി.സി മൗര്യ. ഇന്ദ്രപ്രസ്ഥത്തിലെത്തുന്ന ലോക നോതാക്കളിൽ പലരും മൗര്യയിലെ താമസക്കാരായിട്ടുണ്ട്.
മൗര്യ സാമ്രാജ്യം
മൗര്യ സാമ്രാജ്യത്തോടുള്ള ബഹുമാനസൂചകമായാണ് ഹോട്ടലിന്റെ പേരിനൊപ്പം മൗര്യ എന്ന് ചോർത്തിരിക്കുന്നത്. ഹോട്ടലിലെ പ്രധാന സ്വീറ്റുകൾക്കൊക്കെ തന്നെ മൗര്യൻ കാലഘട്ടത്തിലെ പ്രധാനപ്പെട്ടവരുടെ പേരുകളാണ് നൽകിയിരിക്കുന്നത്. ഇതിന് ഉദാഹരണമാണ് ചാണക്യ സ്വീറ്റ്, ചന്ദ്രഗുപ്ത സ്വീറ്റ് തുടങ്ങിയവ.ഒപ്പം ഹോട്ടലിലെ പ്രധാന ലോബിയിലും മൗര്യ സാമ്രജ്യത്തിനെ അനുസ്മരിപ്പിക്കുന്ന ചുവർചിത്രങ്ങൾ, കല്ലിൽ തീർത്ത ചിത്രങ്ങൾ തുടങ്ങിയ കൊണ്ട് അലങ്കരിച്ചിട്ടുമുണ്ട്.ബുദ്ധിസ്റ്റ് സ്തൂപങ്ങളുടെ ആകൃതിയിലാണ് 438 മുറികളുള്ള ഹോട്ടൽ നിർമ്മിച്ചിട്ടുള്ളത്.
കൊൽക്കത്ത ആസ്ഥാനമായ ഐ.ടി.സി. ഗ്രൂപ്പിന്റെതാണ് ഐ.ടി.സി മൗര്യ.ഐ.ടി.സി. ഗ്രൂപ്പിന് ഇന്ത്യയിലൊട്ടാകെ നൂറോളം ഹോട്ടലുകളുണ്ട്.
എന്തുകൊണ്ട് മൗര്യ
മൗര്യയിൽ തങ്ങിയ പ്രമഖർ
അമേരിക്കൻ പ്രസിഡന്റുമാരായ ബിൽ ക്ലിന്റൺ, ജോർജ്ജ് ഡബ്ല്യു ബുഷ്, ബരാക് ഒബാമ, ദലൈലാമ, ടോണി ബ്ലെയർ, വ്‌ളാഡിമിർ പുടിൻ, രാജാവ് അബ്ദുല്ല, ബ്രൂണൈ സുൽത്താൻ .
ലെയ്സ്- 10.00 രൂപ
ഡോറിറ്റോസ്- 10.00 രൂപ
ആകെ- 1439.00 രൂപ