കൊച്ചി: അവധിക്കാലത്തോട് അനുബന്ധിച്ച് ഐ.ആർ.സി.ടി.സി പുതിയ ടൂർ പാക്കേജുകൾ പ്രഖ്യാപിച്ചു. ഗോവ,​ ജയ്‌പൂർ,​ അമൃത്‌സർ,​ ഡൽഹി,​ ആഗ്ര എന്നിവിടങ്ങൾ സന്ദർശിക്കാവുന്ന ഭാരത് ദർശൻ ടൂറിസ്‌റ്ര് ട്രെയിൻ യാത്ര മാർച്ച് 31ന് കേരളത്തിൽ നിന്ന് പുറപ്പെടും. ഏപ്രിൽ 12ന് തിരിച്ചെത്തും. ട്രെയിൻ ടിക്കറ്ര്,​ ഭക്ഷണം,​ ഡോർമിറ്ററി താമസം,​ ടൂർ എസ്‌കോർട്ട്,​ സെക്യൂരിറ്രി,​ സ്ഥലങ്ങൾ( സന്ദർശിക്കാൻ എ.സി. വാഹന സൗകര്യം തുടങ്ങിയവ ടിക്കറ്ര് നിരക്കിൽ ഉൾപ്പെട്ടിരിക്കുന്നു. നിരക്ക് : 13,​230 രൂപ.

പൊതുമേഖലാ സ്ഥാപനങ്ങൾ ജോലി ചെയ്യുന്നവർക്ക് എൽ.ടി.സി സൗകര്യമുണ്ട്. യാത്ര മുൻകൂട്ടി ബുക്ക് ചെയ്യുന്നവർക്ക് തിരുവനന്തപുരം,​ കൊല്ലം,​ കോട്ടയം,​ എറണാകുളം,​ തൃശൂർ,​ ഷൊർണൂർ,​ കോഴിക്കോട്,​ കണ്ണൂർ,​ കാസർഗോഡ് എന്നിവിടങ്ങളിൽ നിന്ന് ട്രെയിനിൽ കയറാം.

ഷിർദ്ദി സായി ബാബ ക്ഷേത്രം,​ ശനി ശിഗ്നാപൂർ ക്ഷേത്രം,​ ത്രയംബകേശ്വർ ജ്യോതിർലിംഗം,​ പഞ്ചവടി ക്ഷേത്രം എന്നിവ സന്ദർശിക്കുന്ന ട്രെയിൻ യാത്ര മാർച്ച് 28ന് പുറപ്പെട്ട് ഏപ്രിൽ രണ്ടിന് മടങ്ങിയെത്തും. ട്രെയിൻ ടിക്കറ്ര്,​ എ.സി ഹോട്ടൽ താമസം,​ എ.സി. വാഹനം,​ ടൂർ എസ്‌കോർട്ട് തുടങ്ങിയ സേവനങ്ങൾ ലഭിക്കും. ടിക്കറ്ര് നിരക്ക് : 9,​955 രൂപ. മുൻകൂട്ടി ബുക്ക് ചെയ്യുന്നവർക്ക് തിരുവനന്തപുരം,​ കൊല്ലം,​ ആലപ്പുഴ,​ എറണാകുളം,​ തൃശൂർ,​ പാലക്കാട് എന്നിവിടങ്ങളിൽ നിന്ന് ട്രെയിനിൽ കയറാം.

യൂറോപ്പിലേക്ക്

പറക്കാം

ഫ്രാൻസ്,​ ബെൽജിയം,​ നെതർലൻഡ്‌സ്,​ സ്വി‌റ്റ്സർലൻഡ്,​ ജർമ്മനി,​ ഓസ്‌ട്രിയ,​ ഇറ്റലി,​ വത്തിക്കാൻ തുടങ്ങിയ രാജ്യങ്ങൾ സന്ദർശിക്കാവുന്ന പാക്കേജും ഐ.ആർ.സി.ടി.സി പ്രഖ്യാപിച്ചു. മാർച്ച് 27ന് കൊച്ചി വിമാനത്താവളത്തിൽ നിന്ന് പുറപ്പെട്ട് ഏപ്രിൽ ഒമ്പതിന് തിരിച്ചെത്തും. ടിക്കറ്ര് നിരക്ക് : 2.31 ലക്ഷം രൂപ.ഡൽഹി,​ ആഗ്ര,​ ജയ്‌പൂർ എന്നിവിടങ്ങൾ സന്ദർശിക്കാവുന്ന ആഭ്യന്തര വിമാനയാത്ര മാർച്ച് 14ന് കൊച്ചിയിൽ നിന്ന് പുറപ്പെടും. ടിക്കറ്ര് നിരക്ക് : 28,​740 രൂപ.