ന്യൂഡൽഹി: ഡൽഹിയിൽ പൗരത്വ നിയമഭേദഗതിയെ എതിർക്കുന്നവരും അനുകൂലിക്കുന്നവരും തമ്മിൽ നടക്കുന്ന കലാപത്തിൽപൊലീസിനും പങ്കുണ്ട് എന്ന ആരോപണം ഉയരുന്നതിനിടെ ഇക്കാര്യത്തെ കുറിച്ച് സൂചന നൽകുന്ന വീഡിയോ പുറത്ത്. പൊലീസ് തങ്ങൾക്കൊപ്പമാണ് നിലകൊള്ളുന്നതെന്ന് കലാപകാരികളിൽ ഒരാൾ വിളിച്ചുപറയുന്ന വീഡിയോ ദൃശ്യമാണ് ഇപ്പോൾ പുറത്തുവന്നിരിക്കുന്നത്.

This how rioters are roaming fearlessly on roads and destroying the city, and blatantly saying "Humare Saath Police Bhi Hai"

Do we need more evidence on the role of police?#ShameOnDelhiPolice #DelhiRiots #Maujpur #DelhiPolice #AmitShahMustResign #CAAProtest #DelhiRiots pic.twitter.com/DDDL93SbQ4

— Khushboo khan (@Khushbookhan_) February 25, 2020

ഇയാൾ 'ജയ് ശ്രീറാം' എന്ന് വിളിച്ചുപറയുന്നതും വീഡിയോയിൽ കേൾക്കാം. ഈ വീഡിയോ ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുകയാണ്. 'ഖുശ്‌ബു ഖാൻ' എന്ന് പേരുള്ള ഒരു ട്വിറ്റർ അക്കൗണ്ടിൽ നിന്നുമാണ് ഈ വീഡിയോ പോസ്റ്റ് ചെയ്തിരിക്കുന്നത്.

അക്രമികൾ ആയുധങ്ങളുമായി റോഡിലിറങ്ങി കലാപം കലാപമഴിച്ചു വിടുന്നതും വീഡിയോയിൽ വ്യക്തമാണ്. സമീപത്തെ കെട്ടിടങ്ങൾക്ക് നേരെയും മറ്റും ഇവർ കല്ലെറിയുന്നതും വീഡിയോയിൽ കാണാം. അങ്ങേയറ്റം മോശമായ ഭാഷയിൽ തെറിവാക്കുകൾ ഉപയോഗിച്ചുകൊണ്ടാണ് വീഡിയോയിൽ ഉള്ളയാൾ സംസാരിക്കുന്നത്.

ഡൽഹിയിൽ കലാപം രൂക്ഷമാകുന്ന തെരുവുകളിൽ പൊലീസിന്റെ സാന്നിദ്ധ്യം പോലുമില്ലെന്നാണ് മാദ്ധ്യമങ്ങൾ റിപ്പോർട്ട് ചെയ്യുന്നത്. അതേസമയം, അക്രമങ്ങളിൽ വെടിയേറ്റവരെ പോലും ആശുപത്രികളിലെത്തിക്കാൻ ബുദ്ധിമുട്ടനുഭവപ്പെടുകയാണെന്നാണ് ലഭിക്കുന്ന വിവരം.

ആവശ്യമായ പോലീസിനെ വിന്യസിച്ചിട്ടുണ്ടെന്നാണ് ഡൽഹി പൊലീസ് അവകാശപ്പെടുന്നത്. സി,ആർ,പി,എഫ് ഉദ്യോഗസ്ഥരും രംഗത്തുണ്ടെന്നും ഡൽഹി പൊലീസ് അറിയിച്ചു. കലാപത്തിൽ മരണമടഞ്ഞവരുടെ എണ്ണവും 13 ആയി ഉയർന്നിട്ടുണ്ട്.