കോഴിക്കോട്: കോൺഗ്രസ് നേതാവും മുൻ മന്ത്രിയുമായ അഡ്വ. പി.​ ശങ്കരൻ അന്തരിച്ചു. 73 വയസായിരുന്നു. അർബുദബാധിതനായി ഏറെക്കാലമായി ചികിത്സയിലായിരുന്നു. കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം

ആന്റണി സർക്കാരിൽ ആരോഗ്യമന്ത്രിയായിരുന്നു. ആരോഗ്യം,​ ടൂറിസം തുടങ്ങിയ വകുപ്പുകളുടെ ചുമതല വഹിച്ചു.1998-ൽ കോഴിക്കോട്ടുനിന്ന് ലോക്‌സഭാംഗമായി. കെ.പി.സി.സി. ജനറൽ സെക്രട്ടറി, കോഴിക്കോട് ഡി.സി.സി. പ്രസിഡന്റ്, ജനറൽ സെക്രട്ടറി, യൂത്ത് കോൺഗ്രസ് ജില്ലാപ്രസിഡന്റ്, കാലിക്കറ്റ് യൂണിവേഴ്സിറ്റി സിൻഡിക്കേറ്റ് അംഗം, യൂണിവേഴ്സിറ്റി യൂണിയന്‍ വൈസ് ചെയര്‍മാന്‍ എന്നീ നിലകളിലും പ്രവർത്തിച്ചിട്ടുണ്ട്.