മുന്തിരിയെപ്പോലെ മുന്തിരി ജ്യൂസിലുമുണ്ട് ആരോഗ്യവും സൗന്ദര്യവും. ഇതിലുള്ള ആന്റി ഓക്സിഡന്റുകൾ മാരക രോഗങ്ങളെപ്പോലും പ്രതിരോധിക്കും. മസ്തിഷ്കത്തിന്റെ ആരോഗ്യം മെച്ചപ്പെടുത്താനും മുന്തിരി ജ്യൂസ് നല്ലതാണ്. ഇത് ശരീരത്തിലുണ്ടാകുന്ന ട്യൂമറുകളെ പ്രതിരോധിക്കും. രക്തത്തിലെ നല്ല കൊളസ്ട്രോളിനെ പ്രതിരോധിക്കുകയാണ് മറ്റൊരു ഗുണം. ഇങ്ങനെ ഹൃദയാരോഗ്യം സംരക്ഷിക്കാം.
ദഹനം സുഗമമാക്കുന്നതിന് പുറമേ അസിഡിറ്റി, ഗ്യാസ്ട്രബിൾ എന്നീ പ്രശ്നങ്ങളെയും തടയും. മുന്തിരി ജ്യൂസ് ശീലമാക്കിയവർക്ക് രക്തസമ്മർദ്ദത്തെ നിയന്ത്രിക്കാൻ സാധിക്കും. മൈഗ്രേൻ ഉൾപ്പടെയുള്ള ചിലതരം തലവേദനകൾ അകറ്റാനും കഴിവുണ്ടിതിന്. മുന്തിരി ജ്യൂസ് കഴിക്കുന്നതിലൂടെ വിളർച്ച അകറ്റാനും രക്തപ്രസാദം വർദ്ധിപ്പിക്കാനും സാധിക്കും.
ചർമ്മത്തിന്റെ ആരോഗ്യവും സൗന്ദര്യവും വർദ്ധിപ്പിക്കാൻ അത്യുത്തമമായ മുന്തിരി ജ്യൂസ് കഴിക്കുന്നതിന് പുറമേ മുഖത്തും കൈകാലുകളിലും പുരട്ടുന്നത് കരിവാളിപ്പ് അകറ്റി ചർമ്മത്തിന് നിറവും തിളക്കവും നൽകാൻ സഹായിക്കും. മുടി കൊഴിച്ചിൽ തടയാനും മുടിയുടെ കരുത്ത് കൂട്ടാനും ഉത്തമമാണ് മുന്തിരി ജ്യൂസ്.