പെരിന്തൽമണ്ണ : അങ്ങാടിപ്പുറം തളി മഹാദേവ ക്ഷേത്രത്തിലെ മഹാരുദ്രയജ്ഞത്തോടനുബന്ധിച്ച് ക തളി നാരായണാലയത്തിൽ നടന്ന ചടങ്ങിൽ തളി ക്ഷേത്ര സമര സേനാനികളെ ആദരിച്ചു. രാമചന്ദ്രൻ , മഠത്തിൽ ശിവദാസൻ, അന്തരിച്ചവരായ സിവി.മാധവൻ , എ.എ.സുബ്രഹ്മണ്യൻ എന്നിവരെയാണ് തളി ക്ഷേത്ര ഭരണസമിതി പ്രസിഡന്റ് എൻ.എം. കദംബൻ നമ്പൂതിരിപ്പാട്, കേരളക്ഷേത്ര സംരക്ഷണ സമിതി സംസ്ഥാന ജനറൽ സെക്രട്ടറി കെ.നാരായണൻകുട്ടി, ഇന്ദിര കൃഷ്ണകുമാർ എന്നിവർ ശിവശക്തി ഉപഹാരം നൽകി ആദരിച്ചത്. പി.സേതുമാധവൻ, തളി ക്ഷേത്രം സൂപ്രണ്ട് ടി.പി.സുധീഷ്, പദ്മനാഭൻ,​ തങ്കം രാമചന്ദ്രൻ എന്നിവർ പ്രസംഗിച്ചു. രാവിലെ 10 .30 ന് ഗോകുലപതി ഗോവിന്ദദാസ് 'ഹരിനാമ മാഹാത്മ്യം' എന്ന വിഷയത്തിൽ പ്രഭാഷണം നടത്തി. ഇന്നുരാവിലെ 10ന് നിർമ്മലൻ അമനക്കരയുടെ 'ആധുനിക ശാസ്ത്രവും ഹിന്ദുത്വവും 'എന്ന വിഷയത്തിലുള്ള പ്രഭാഷണം നടക്കും.