പത്തനംതിട്ട : സംസ്ഥാന ലീഗൽ സർവീസസ് അതോറിട്ടിയുടെ നിർദേശ പ്രകാരം ജില്ലാ ലീഗൽ സർവീസസ് അതോറിട്ടിയുടെ ആഭിമുഖ്യത്തിൽ പത്തനംതിട്ട കോടതി കോംപ്ലക്‌സിലെ കോടതികളിലും അടൂർ,റാന്നി,തിരുവല്ല താലൂക്ക് ലീഗൽ സർവീസസ് കമ്മിറ്റികൾ അതത് താലൂക്കിലുള്ള കോടതികളിലും 8ന് ലോക് അദാലത്ത് നടത്തും. ഒത്തു തീർപ്പാകുന്ന ക്രിമിനൽ കേസുകൾ,സെക്ഷൻ 138 പ്രകാരം രജിസ്റ്റർ ചെയ്ത കേസുകൾ,വാഹനാപകട നഷ്ടപരിഹാര കേസുകൾ, കുടുംബ കോടതി കേസുകൾ, തൊഴിൽ,വൈദ്യുതി,വെള്ളക്കരം,റവന്യു, ഭൂമി ഏറ്റെടുക്കലുമായി ബന്ധപ്പെട്ട കേസുകൾ എന്നിവ അദാലത്തിൽ പരിഗണിക്കും.അദാലത്തിൽ പരിഗണിക്കുന്ന കേസുകളിൽ ധനസംബന്ധമായ കേസുകൾ ചർച്ചയിലൂടെ ഇളവുകൾ നൽകിയാണ് തീർപ്പാക്കുന്നത്.ബാങ്ക്,രജിസ്‌ട്രേഷൻ,പഞ്ചായത്ത്,കെ.എസ്.എഫ്.ഇ,കോ-ഓപ്പറേറ്റീവ് ബാങ്ക്,മോട്ടോർ വെഹിക്കിൾ ടാക്‌സേഷൻ,വൈദ്യുതി എന്നിവ സംബന്ധമായ പരാതികൾ അദാലത്തിൽ പരിഗണിക്കണമെന്നുണ്ടെങ്കിൽ ജില്ലാ ലീഗൽ സർവീസസ് അതോറിട്ടിയുമായോ,അടൂർ,തിരുവല്ല,റാന്നി എന്നീ താലൂക്ക് ലീഗൽ സർവീസസ് കമ്മിറ്റികളുമായോ ഉടൻ ബന്ധപ്പെടണം.ഫോൺ: 0468 2220141.