പന്തളം: മതങ്ങളെ സംഘപരിവാർ അതിരുകളിട്ട് തിരിക്കുമ്പോൾ ഡി.വൈ.എഫ്‌.ഐ അതിരുകളില്ലാതെ സംരക്ഷിക്കുമെന്ന് സംസ്ഥാന സെക്രട്ടറി എ.എ.റഹീം പറഞ്ഞു. പറന്തലിൽ ഡി.വൈ.എഫ്‌.ഐ യുവജനസംഗമം ഉദ്ഘാടനം ചെയ്യുകയായിരുന്നു അദ്ദേഹം.
സംഘപരിവാർ വേട്ടയാടുന്നത് മതാടിസ്ഥാനത്തിൽ മനുഷ്യനെയും മനുഷത്വത്തെയുമാണെന്ന് അദ്ദേഹം പറഞ്ഞു. ജില്ലാ പ്രസിഡന്റ് സംഘേഷ് ജി. നായർ അദ്ധ്യക്ഷനായി. അഡ്വ.കെ.യു.ജനീഷ്കുമാർ എം.എൽ.എ, ഡി.വൈ.എഫ്‌.ഐ ജില്ലാ സെക്രട്ടറി പി.ബി.സതീഷ് കുമാർ, സി.പി.എം ജില്ലാ സെക്രട്ടറി കെ.പി.ഉദയഭാനു, ഇ.ഫസൽ, ആർ. ശ്യാമ, ജില്ലാ ട്രഷറാർ ബി.നിസാം, റഹ്മത്തുള്ളാ ഖാൻ, അഡ്വ. ആർ.മനു, പന്തളം ബ്ലോക്ക് സെക്രട്ടറി എൻ.സി.അഭീഷ്, പ്രസിഡന്റ് ശ്രീഹരി എന്നിവർ സംസാരിച്ചു.