ചിറ്റാർ: ചിറ്റാർ പഞ്ചായത്ത് ഐ.എസ്.ഒ പ്രഖ്യാപനവും ഹരിത കർമ്മസേനയുടെ ഉദ്ഘാടനവും അഡ്വ.കെ.യു.ജനീഷ് കുമാർ എം.എൽ. എ നിർവ്വഹിച്ചു. പഞ്ചായത്ത് പ്രസിഡന്റ് രവികല എബി അദ്ധ്യക്ഷയായിരുന്നു. വൈസ് പ്രസിഡന്റ് രാജുവട്ടമല, സ്റ്റാൻഡിംഗ് കമ്മിറ്റി ചെയർമാൻമാരായ ടി.കെ.സജി, ഷൈലജാബീവി, ഓമന പ്രഭാകരൻ, ബ്ലോക്ക് പഞ്ചായത്ത് വികസന സ്റ്റാൻഡിംഗ് കമ്മറ്റി ചെയർപേഴ്‌സൺ ഓമന ശ്രീധരൻ, പഞ്ചായത്തംഗങ്ങളായ മോഹൻ ദാസ്, മറിയാമ്മ വർഗീസ്, അന്നമ്മ ജോർജ്ജ്, വയ്യാറ്റുപുഴ അജയൻ, സുജ ശ്രീകുമാർ, ഡി.ശശിധരൻ, എലിസബേത്ത് ജോസഫ്, സി.ഡി.എസ് അംഗം സബീന ഷെരീഫ്, പഞ്ചായത്ത് സെക്രട്ടറി ഡി. ബാലചന്ദ്രൻ എന്നിവർ സംസാരിച്ചു.