പത്തനംതിട്ട: അദ്ധ്യാപക തസ്തികയിൽ പുതിയതായി നിയമനം ലഭിച്ചവരുടെ ഐ.ടി യോഗ്യതാ പരീക്ഷയ്ക്ക് ഏർപ്പെടുത്തിയ ഭീമമായ രജിട്രേഷൻ ഫീസ് ഒഴിവാക്കണമെന്നും അശാസ്ത്രീയമായ ഘടനാമാറ്റത്തിലൂടെ പൊതുവിദ്യാലയങ്ങളിലെ അദ്ധ്യാപക തസ്തിക നഷ്ടപ്പെടുമെന്നതിനാൽ ആ നീക്കത്തിൽ നിന്ന് സർക്കാർ പിൻമാറണമെന്നുമുള്ള പ്രമേയങ്ങൾ പാസാക്കി കെ.പി.എസ്.ടി.എ ജില്ലാ സമ്മേളനം സമാപിച്ചു. സമാപന സമ്മേളനം സംസ്ഥാന ട്രഷറർ എസ്. സന്തോഷ് കുമാർ ഉദ്ഘാടനം ചെയ്തു. വി. ലിബികുമാറിന്റെ അദ്ധ്യക്ഷതയിൽ ബിനു കെ.സാം, കെ.ജി.റെജി, ഫ്രെഡി ഉമ്മൻ, മുഹമ്മദ് അലി, ജോസ് മത്തായി, എച്ച്. ഹസീന, ടി.ഹരികുമാർ, അനിൽ സി. ഉഷസ് എന്നിവർ പ്രസംഗിച്ചു. ഭാരവാഹികളായി വി.എൻ. സദാശിവൻപിള്ള (പ്രസിഡന്റ്), സി.സതീശൻ നായർ, ടി.ജയ, കെ.ജി.ഹരി, ഫ്രെഡി ഉമ്മൻ, ആർ.ജ്യോതിഷ്, ജോസ് മത്തായി (വൈസ് പ്രസിഡന്റ്), വി.ജി.കിഷോർ (ജനറൽ സെക്രട്ടറി), ബിജോയി കോശി, എച്ച്.ഹസീന, എസ്. ബിനു, രജിത ആർ.നായർ, തോമസ് മാത്യു, ആശ മേരി എബ്രഹാം, എം.എ.ഏലിയാമ്മ (ജോയിന്റ് സെക്രട്ടറിമാർ), വർഗീസ് ജോസഫ് (ട്രഷറർ). ജില്ലാ വനിതാ ഫോറം ഭാരവാഹികളായി വി.ടി. ജയശ്രീ (ചെയർപേഴ്സൺ), എസ്. ചിത്ര (കൺവീനർ) എന്നിവരെ തിരഞ്ഞെടുത്തു.