പ്രമാടം: ഗ്രാമപഞ്ചായത്തും എക്‌സൈസ് വകുപ്പും സംയുക്തമായി വിമുക്തിപദ്ധതിയുടെ ഭാഗമായി വിമുക്തി ജ്വാല തെളിയിച്ചു. ഉദ്ഘാടനം ഗ്രാമപഞ്ചായത്ത് പ്രസിഡന്റ് റോബിൻ പീറ്റർ നിർവഹിച്ചു. പുതിയ തലമുറയെ മദ്യത്തിനും മയക്കുമരുന്നിനും അടിമയാക്കാതെ മുന്നോട്ട് നയിക്കുന്നതിന് ഈ ജനകീയ പരിപാടി ഉപകരിക്കുമെന്ന് അദ്ദേഹം പറഞ്ഞു.
കോന്നിഎക്‌സൈസ് ഇൻസ്‌പെക്ടർ പ്രശാന്ത്, വിമുക്തി കോർഡിനേറ്റർമാരായ അയൂബ് ഖാൻ, രമേശ്, ഗ്രാമപഞ്ചായത്ത് വൈസ് പ്രസിഡന്റ് ലിസി ജെയിംസ്, ഗ്രാമപഞ്ചായത്ത് അംഗങ്ങളായ ആനന്ദവല്ലിഅമ്മ, കെ.പ്രകാശ് കുമാർ, അശ്വതി സുഭാഷ്, മദ്യവിരുദ്ധ സമിതി ജില്ലാ പ്രസിഡന്റ് മാത്യു പാസ്റ്റർ, പൂങ്കാവ് ബാലൻ, ഖേലോ ഇന്ത്യ ഡയറക്ടർ ജെ.ഗോപകുമാർ, ഗ്രാമപഞ്ചായത്ത് യൂത്ത് കോർഡിനേറ്റർ അരുൺകുമാർ എന്നിവർ പ്രസംഗിച്ചു.