അടൂർ : എസ്. എൻ. ഡി. പി യോഗം അടൂർ യൂണിയന്റെ നേതൃത്വത്തിലുള്ള 23-ാമത് വിവാഹ പൂർവ കൗൺസലിംഗ് കോഴ്സ് 15, 16 തീയതികളിൽ യൂണിയൻ കോൺഫറൻസ് ഹാളിൽ നടക്കും. എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെയാണ് പരിപാടി . 15 ന് രാവിലെ 9.30 ന് യൂണിയൻ കൺവീനർ അഡ്വ. മണ്ണടി മോഹൻ ഉദ്ഘാടനം ചെയ്യും. യൂണിയൻ ചെയർമാൻ അഡ്വ. എം. മനോജ് കുമാർ അദ്ധ്യക്ഷതവഹിക്കും. യോഗം കൗൺസിലർ എബിൻ ആമ്പാടി മുഖ്യപ്രഭാഷണം നടത്തും. മുക്തിഭവൻ ഡയറക്ടർ രാജേഷ് പൊൻമല ആമുഖപ്രസംഗം നടത്തും. യൂണിയൻ അഡ്മിനിസ്ട്രേറ്റീവ് കമ്മിറ്റിയംഗം ഷിബു കിഴക്കിടം, യൂത്ത്മൂവ്മെന്റ് യൂണിയൻ സെക്രട്ടറി സുജിത്ത് മണ്ണടി, വനിതാസംഘം യൂണിയൻ കൺവീനർ - ഇൻ ചാർജ്ജ് സുജ മുരളി എന്നിവർ പ്രസംഗിക്കും. തുടർന്ന് രാജേഷ് പൊൻമല, ഡോ. ശരത്ചന്ദ്രൻ എന്നിവരും 16 ന് ഷൈലജാ രവീന്ദ്രൻ, അനൂപ് കെ. വി.വൈക്കം കൊടുവഴങ്ങ ബാലകൃഷ്ണൻ എന്നിവരും ക്ളാസെടുക്കും.