തിരുവല്ല: മാർത്തോമ്മാ ട്രോഫിക്ക് വേണ്ടിയുള്ള അഖില കേരള ഫുട്ബോൾ ടൂർണമെന്റിന്റെ രണ്ടാം ദിവസം ആദ്യമത്സരത്തിൽ ക്രൈസ്റ്റ് ഇരിങ്ങാലക്കുട ആതിഥേയരായ മാർത്തോമ്മ കോളേജിനെ ഷൂട്ട് ഔട്ടിൽ പരാജയപ്പെടുത്തി(4-3).രണ്ടാമത്തെ മത്സരത്തിൽ ചങ്ങനാശേരി എസ്.ബി കോളേജ്, ഒന്നിനെതിരേ രണ്ട് ഗോളുകൾക്ക് തുമ്പ സെന്റ് സേവ്യേഴ്‌സിനെ തോൽപ്പിച്ചു. ഇന്ന് 3.30ന് ആദ്യ ക്വാർട്ടർ ഫൈനലിൽ കാലടി ശ്രീശങ്കര കോട്ടയം ബസേലിയോസിനെ നേരിടും. തുടർന്ന് 4.30ന് രണ്ടാം ക്വാർട്ടറിൽ ഇരിങ്ങാലക്കുട ക്രൈസ്റ്റ് മൂവാറ്റുപുഴ നിർമ്മലയെ നേരിടും.