പ്രമാടം: ഗ്രാമപഞ്ചായത്തിലെ ഗൃഹചൈ​തന്യം പദ്ധതിയുടെ ഉദ്ഘാടനം തെങ്ങുംകാവിൽ ഗ്രാമപഞ്ചായത്ത് പ്രസിഡന്റ് റോബിൻ​പീറ്റർ നിർവഹി​ച്ചു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്‌സൺ ആനന്ദവല്ലിഅമ്മ, ഗ്രാമപഞ്ചായത്ത് അംഗങ്ങളാ​യ ടി. ജി. മാ​ത്യു, അന്നമ്മ ഫി​ലിപ്പ്, കെ. കെ. നെ​ഹ്രു, ദീപാ രാജൻ, അശ്വതിസുഭാഷ്, ഗ്രാമപഞ്ചായത്ത് സെക്രട്ടറി മിനി മ​റിയം ജോർ​ജ്, അനിൽ, ശരത് എന്നി​വരും പ്രസംഗിച്ചു. തൊഴിലുറപ്പ് തൊഴിലാളികളെ ഉൾപ്പെടുത്തി, തെങ്ങുംകാവ് ഗവൺമെന്റ് എൽ പി സ്‌കൂളിൽ ഉപയോഗശൂന്യമായി കിടന്നിരുന്ന ഭൂമി ഏറ്റെടുത്താണ് പദ്ധതി നടപ്പാക്കി​യത്. വേപ്പിൻ തൈകളും കറിവേപ്പിൻ തൈകളുമാണ് വളർത്തിയ​ത്. 35 തൊഴിലാളികൾക്കായി 630 തൊഴിൽ ദിനങ്ങൾ ലഭിച്ച പദ്ധതിയിൽ 25 സെന്റ് സ്ഥലം ഉപയോഗപ്പെടുത്തി രണ്ടായിരത്തിലധികം കറിവേപ്പിൻ തൈകളും നാലായിരത്തിലധികം വേപ്പിൻ തൈകളും ഉൽപാദിപ്പിച്ചു.